اسلام آباد: پاکستان نے آن لائن فاریکس ٹریڈنگ پلیٹ فارم کا پلان تیار کرلیا ہے۔
اے آر وائی نیوز کے مطابق آئی ایم ایف کو فاریکس ٹریڈنگ کا آن لائن پلیٹ فارم کا پلان دے دیا گیا ہے جو جنوری 2024 کے آخر تک شروع کردیا جائے گا۔
انٹربینک مارکیٹ میں تمام غیرملکی کرنسی کی آن لائن ٹریڈنگ ہوگی، پاکستان نے زرمبادلہ مارکیٹ میں اصلاحات پر آئی ایم ایف کو یقین دہانی کروائی ہے۔
ذرائع کا بتانا ہے کہ یہ پلان غیرملکی زرمبادلہ مارکیٹ میں اصلاحات کا پاکستان کا پلان ہے، آئی ایم ایف کی کنٹری رپورٹ میں ان اہم اقدامات کا پلان پیش کردیا گیا ہے۔
پاکستان نے فاریکس مارکیٹ میں شفافیت اور کارکردگی کو مضبوط بنانے کے لیے نافذ کرنے کا وعدہ کیا ہے۔
پلان کے تحت دسمبر 23 سے یومیہ انٹربینک اور اوپن مارکیٹ کا ریٹ جاری کیے جارہے ہیں، پلان کے تحت نئے ٹریڈنگ پلیٹ فارم تمام بینکوں کو جنوری 2024 کے اختتام پر لنک کردیا جائے گا۔
