اسلام آباد: اکنامک کارپوریشن آرگنائزیشن (ای سی او) کی 13 ویں سمٹ کا انعقاد رواں سال یکم مارچ کو شہر اقتدار میں ہوگا، جس میں تمام ممالک کے وزرائے خارجہ شرکت یقینی ہوگی.
تفصیلات کے مطابق اکنامک کارپوریشن آرگنائزیشن کی 13 ویں سمٹ یکم مارچ کواسلام آباد میں ہوگی، جس میں تمام ممالک کے وزرائے خارجہ شرکت کریں گے.
ای سی او ممبران کی کل تعداد 10 ہے ،تاحال چھ ممالک نے ای سی اوسمٹ میں شرکت کرنے کی یقین دہانی کروادی ہے، جبکہ دیگر ممالک کے شرکت بھی یقینی ہے.
ذرائع کا کہنا ہے کہ ایران کےصدر حسن روحانی بھی ای سی او سمٹ میں شریک ہوں گے جبکہ ترک صدرطیب اردوان کی شرکت بھی متوقع ہے.
ذرائع کا کہنا ہے کہ افغانستان،کرغزستان اور ازبکستان کی جانب سے شمولیت کا امکان ہے۔
واضح رہے کہ پاکستان، چائنا اکنامک کوریڈور کے منصوبے کے بعد دینا بھر کی نگاہیں پاکستان پر مرکوز ہیں، خطے کے ممالک پاکستان کے ساتھ تجارتی روابط رکھنے میں دلچسپی لے رہے ہیں، اسی لئے ’سی پیک‘ کو گیم چینجرکا نام دیا جا رہا ہے۔
یہاں پڑھیں:اکنامک کوریڈور پورے خطے کیلئےگیم چینجر ثابت ہوگی، احسن اقبال
یاد رہے اس حوالے سے فاقی وزیر احسن اقبال نے کہا تھا کہ دنیا بھر میں پاکستان کو چھیالیس ارب ڈالر کی سرمایہ کاری کا مرکز قرار دیا جارہا ہے۔
