اسلام آباد : پاکستان نے ڈنمارک میں قرآن پاک کی بے حرمتی کی شدید مذمت کرتے ہوئے کہا عالمی برادری کی ذمہ داری ہے کہ نفرت انگیز کارروائیوں کو روکیں۔
تفصیلات کے مطابق پاکستانی دفتر خارجہ کی ترجمان کی جانب سے بیان میں کہا گیا کہ ڈنمارک میں قرآن پاک کی بے حرمتی کی شدید مذمت کرتے ہیں۔
ترجمان کا کہنا تھا کہ چندروزقبل بھی سویڈن میں اسی طرح کا واقعہ ہوا تھا، مذہبی منافرت پھیلانے کیلئے آزادی اظہار رائے کا استحصال کیا جا رہا ہے۔
- Advertisement -
دفتر خارجہ نے زور دیا کہ بین الاقوامی برادری نفرت پھیلانے والوں سے آنکھیں بندنہیں کر سکتی، عالمی برادری کی ذمہ داری ہے کہ نفرت انگیز کارروائیوں کو روکیں۔
ان کا کہنا تھا کہ پاکستان کے تحفظات ڈنمارک حکام تک پہنچائےجارہے ہیں، ایسی نفرت انگیزاوراسلام فوبک کارروائیوں کوروکنے کیلئے اقدامات کریں۔
