کراچی: جنوبی افریقہ کے خلاف ٹیسٹ سیریز کے لئے سابق کرکٹرز بھی سرگرم ہوگئے ہیں اور کھلاڑیوں کو اہم گر سکھادئیے ہیں۔
تفصیلات کے مطابق کراچی نیشنل اسٹیڈیم میں قومی ٹیسٹ اسکواڈ کی نیٹ پریکٹس جاری ہے، جہاں جنوبی افریقی بیٹسمینوں کو اسپن جال میں پھنسانےکیلئے ماضی کے عظیم اسپنر ثقلین مشتاق میدان میں آگئے، ثقلین مشتاق نے ٹیسٹ اسکواڈٖ میں شامل اسپنر ساجدخان، نعمان علی، محمدنواز اور یاسرشاہ کو اسپن کے مزید نئے گر سکھائے۔
Passing the experience on!@Saqlain_Mushtaq chats with Sajid Khan and Nauman Ali.
#HarHaalMainCricket #PAKvSA #BackTheBoysInGeeen pic.twitter.com/lIONn2rA4a
— Pakistan Cricket (@TheRealPCB) January 21, 2021
اسکواڈ میں شامل کھلاڑیوں نے ثقلین مشتاق کو اپنے درمیان پاکر نہایت خوشی کا اظہار کیا اور ان سے مزید مشورے حاصل کئے۔
اس کے علاوہ سابق عظیم بلے باز محمد یوسف بھی نیشنل اسٹیڈیم جاپہنچے، جہاں انہوں نے پاکستان ٹیم کے موجودہ بیٹنگ کوچ یونس خان کے ساتھ کھلاڑی سے ملاقات کی، یونس خان اور محمد یوسف نے بیٹسمینوں کے ساتھ طویل سیشن کیا، اس دوران ماضی کے عظیم بیٹسمین یونس اور یوسف کی جوڑی بیٹسمینوں کو ٹیسٹ میں وکٹ پر لمبی اننگز کھیلنے کے گر بتاتی رہی۔
Pakistan team practice session underway at the National Stadium Karachi.#PAKvSA #BackTheBoysInGreen #HarHaalMainCricket pic.twitter.com/V1xCfoqKIm
— Pakistan Cricket (@TheRealPCB) January 21, 2021
اس کے علاوہ بولنگ کوچ وقار یونس بھی فاسٹ بولرز کے ساتھ نظر آئے، انہوں نے اسکواڈ میں شامل فاسٹ بولرز کو ردھم کے ساتھ بولنگ کرنے کی ٹپس دئیے، قومی ٹیم نے نیشنل اسٹیڈیم کراچی میں بولنگ اور بیٹنگ کے علاوہ فیلڈنگ پر بھی خصوصی توجہ دی۔
All smiles! #HarHaalMainCricket #PAKvSA #BackTheBoysInGeeen pic.twitter.com/iC4AMzx0YY
— Pakistan Cricket (@TheRealPCB) January 21, 2021
واضح رہے کہ پاکستان اور جنوبی افریقہ کے درمیان پہلا ٹیسٹ 26 جنوری سے کراچی میں کھیلا جائے گا۔
