غزہ میں اسرائیلی فوج کی بربریت کا سلسلہ جاری ہے، ایسے میں دل دہلانے ویڈیوز بھی سامنے آرہی ہیں، جسے اہل دل دیکھنے کی سکت نہیں رکھتے۔
غیر ملکی ذرائع ابلاغ کے مطابق اسرائیلی فوج کی فائرنگ سے شہید ہونے والے کم عمر فلسطینی معتز انس منصور کا آخری دیدار کرتے ہوئے والدہ پر سکتہ طاری ہوگیا، جسے دیکھ کر ہر آنکھ اشکبار ہوگئی۔
جنوبی نابلس کے گاؤں میں اسرائیلی فوج نے ایک چھاپہ مار کارروائی کے دوران 16 سالہ معتز انس منصور کو فائرنگ کرکے شہید کردیا، جس کی شہادت پر ہر آنکھ اشکبار ہے۔
اسرائیلی فوج کی فائرنگ سے شہید ہونے والے معتز انس منصور کے جنازے کی ویڈیو سوشل میڈیا پر وائرل ہورہی ہے، جس میں اس کی والدہ نے بڑے ہی جذباتی انداز میں اپنے لخت جگر کو رخصت کیا۔
بیٹے کے جنازے پر بوڑھی ماں کے بہتے آنسو کو دیکھ کر ہر کوئی غمگین ہوگیا اور بے بس ماں کو دلاسہ دینے کی کوشش کرنے لگا۔
واضح رہے کہ غزہ میں اسرائیلی حملوں میں شہید فلسطینیوں کی تعداد 14 ہزار سے تجاوز کرچکی ہے، جبکہ 33ہزار سے زائد افراد زخمی ہیں، جنہیں طبی امداد بھی میسر نہیں۔
