The news is by your side.

Advertisement

اوپنیرسیلوم تامل ناڈوکےوزیر اعلیٰ بن گئے

چنائی: بھارتی ریاست تامل ناڈو کی وزیراعلیٰ جیا للیتا کےانتقال کے بعد پارٹی کے سینیئر رہنما اوپنیرسیلوم وزیراعلیٰ‌بن گئے۔

تفصیلات کےمطابق بھارت کی جنوبی ریاست تامل ناڈو کی وزیراعلیٰ جیا للیتا کے گزشتہ شب انتقال کےبعد ریاست کے وزیرخزانہ اوپنیرسیلوم نے19 ویں وزیر اعلیٰ کے طور پر حلف اٹھالیا۔

تامل ناڈو کے دارالحکومت چنائی کے آپولو اسپتال کی جانب سے جیا للیتا کی وفات کی خبر ملنے کےفوراََ بعد ان کی پارٹی کے ارکان نے اتفاق رائے سے اوپنیر سیلوم کو اپنا نیا وزیراعلیٰ منتخب کیا۔

مزید پڑھیں:بھارتی ریاست تامل ناڈوکی وزیراعلیٰ جیاللیتاچل بسیں

اوپنيرسیلوم جیاللیتا کے سب سے زیادہ وفادار ساتھی مانے جاتے ہیں اور ان کے بیمار پڑنے کے بعد سے ہی وہ ان کی جگہ سرکاری ذمہ داری نبھا رہے تھے۔

خیال رہے کہ پہلی بار اوپنیرسیلوم نے 2001 اور 2002 کے دوران وزیر اعلیٰ کا عہدہ سنبھالا جب قانونی وجوہات پر جیا للیتا اس عہدے کی ذمہ داری نہیں پوری سکتی تھیں اور دوسری بار15-2014 میں انہوں نے بطور وزیراعلیٰ خدمات انجام دیں۔

یاد رہے کہ اوپنیر سیلوم سیاست میں آنے سے پہلے چائے بیچاکرتے تھے جبکہ سیاست میں قدم رکھنے کے بعدانہوں نے اپنی چائے کی دکان اپنے بھائی کے حوالے کردی۔

واضح رہے کہ تامل ناڈو کے نئے وزیراعلیٰ اوپنيرسیلوم کاتعلق کاتھیور برادری سے ہے اور تامل ناڈو میں اس برادری کو بااثر تصور کیا جاتا ہے۔

Print Friendly, PDF & Email

Comments

comments

یہ بھی پڑھیں