The news is by your side.

Advertisement

جاپانی شہری کے ہاتھ سے لاکھوں ڈالر مالیت کی گھڑی چوری

پیرس : فرانسیسی دارالحکومت میں چور جاپانی شہری کے ہاتھ سے لاکھوں یورو مالیت کی ہیرے جڑی ہوئی گھڑی لے کر فرار ہوگئے۔

تفصیلات کے مطابق جاپانی شہری فرانسیسی دارالحکومت پیرس میں اپنے ہوٹل سے سگریٹ لینے کےلئے باہر نکلا تو تقریباً 8 لاکھ 40 ہزار ڈالر ز مالیت کی ہیروں کی گھڑی ہاتھ میں نظر آنے کے بعد وہ چوروں کی نظروں میں آگیا۔

غیر ملکی خبر رساں ادارے کا کہنا تھا کہ جاپانی شہری نے جیسے ہی سگریٹ لینے کےلئے ہاتھ آگے بڑھایا تو پہلے سے گھات لگائے چوروں نے اس کا ہاتھ پکڑا اور قیمتی گھڑی چرا کر بھاگ نکلے جس کی یورو میں قیمت 7 لاکھ 70 ہزار یورو ہے۔

غیر ملکی میڈیا کی رپورٹ کے مطابق پیرس اور نواحی علاقوں میں جنوری سے ستمبر تک چوری کی 71 وارداتیں ہوئی ہیں جن میں اس طرح کی 4 قیمتیں گھڑیاں چرائی گئی ہیں جن کی مالیت تقریباً ایک لاکھ ڈالر سے زائد ہے۔

فرانسیسی پولیس کا مؤقف ہے کہ جاپانی شہری کے ساتھ واردات کے بعد چور بھاگتے ہوئے اپنا موبائل فون وہیں گراگئے جس کی مدد سے ان کی گرفتارکرنے کی کوششیں کی جارہی ہیں۔

Comments

comments

یہ بھی پڑھیں