کراچی : پراونشل ڈیزاسٹر مینجمنٹ اتھارٹی (پی ڈی ایم اے) نے صوبہ سندھ کے حوالے سے آگاہ کیا ہے کہ آج رات مون سون سسٹم مشرقی سندھ میں داخل ہونے کا امکان ہے۔
تفصیلات کے مطابق پی ڈٰی ایم اے نے بارش سے متعلق الرٹ جاری کردیا، جس کے مطابق کراچی ڈویژن میں 21 سے23 جولائی کے دوران بارش کا امکان ہے۔
پی ڈٰی ایم اے کے مطابق اندرون سندھ کے شہروں تھرپارکر، عمرکوٹ، میرپورخاص، سانگھڑ، خیرپور، سکھر، لاڑکانہ، جیکب آباد، شکارپور میں بارش کا امکان ہے۔
اس کے علاوہ قمبر شہداد کوٹ، دادو، جامشورو، کشمور، گھوٹکی، نوشہرو فیروز میں گرج چمک کے ساتھ بارش کا امکان ہے۔
پی ڈی ایم اے الرٹ میں کہا گیا ہے کہ شہید بینظیر آباد، مٹیاری، حیدرآباد، ٹنڈو الہ یارمیں بارش کا امکان ہے جبکہ ٹنڈو محمد خان، بدین، ٹھٹھہ اور سجاول کے اضلاع میں بھی بارش کا امکان ہے۔
علاوہ ازیں محکمہ موسمیات کے مطابق ملک کے بیشتر میدانی علاقوں میں موسم گرم اور مرطوب رہے گا، تاہم کہیں ہلکی اور کہیں تیز بارش کا بھی امکان ہے۔
محکمہ موسمیات کے مطابق آئندہ چوبیس گھنٹے کے دوران اسلام آباد، راولپنڈی، لاہور، حافظ آباد، گوجرانوالا، سیا لکوٹ، نارووال، گجرات، جہلم، مری، گلیات، بالاکوٹ، مانسہرہ، سوات، کالام، دیر، پشاور، مردان، صوابی، کوہلو، ژوب، قلات، بارکھان، ڈیرہ بگٹی میں بارش کا امکان ہے۔
اس کے علاوہ کراچی میں مطلع جزوی طور پر ابر آلود رہنے اور بوندا باندی کا امکان ہے۔
