کراچی : جناح اسپتال میں بچے کی لاش چھوڑ کر فرار ہونے افراد کو شناخت کرلیا گیا، پولیس کا کہنا ہے کہ مقدمے کے اندراج کے بعد ملزمان کو گرفتار کیا جائے گا۔
تفصیلات کے مطابق کراچی کے جناح اسپتال میں 8 سالہ راول کی لاش چھوڑنے کے معاملے پر پولیس نے موقع سے فرار افراد کو شناخت کرلیا۔
پولیس حکام کا کہنا ہے کہ متوفی بچے کے ورثاء تدفین کےلئے پنجاب گئے ہیں ، ورثا پولیس سے رابطے میں ہیں ، واقعے کا مقدمہ درج کیا جائے گا۔
- Advertisement -
حکام نے بتایا کہ مقدمے کے اندراج کے بعد ملزمان کوگرفتارکیا جائے گا ، گزشتہ شب پولیس نے ڈیفنس میں گاڑی کے مالک کےگھر چھاپہ مارا تھا تاہم گاڑی کا مالک اور گاڑی دونوں گھر میں موجود نہیں تھا۔
بچے کی موت کہاں اور کیسے ہوئی تحقیقات کررہے ہیں، بچے پر تشدد کہاں ہوااورکون ملوث ہے اس حوالے سے بھی تحقیقات جاری ہے۔
