The news is by your side.

Advertisement

سابق وزیراعظم عمران خان ودیگر کیخلاف غداری کی درخواست خارج

اسلام آباد ہائیکورٹ نے سابق وزیراعظم عمران خان، امریکی سفارتکار، سابق ڈپٹی اسپیکر اور سابق وفاقی وزرا کیخلاف غداری کی درخواست خارج کردی۔

اے آر وائی نیوز کے مطابق سابق وزیراعظم عمران خان، امریکی سفارتکار، سابق ڈپٹی اسپیکر قاسم سوری اور سابق وفاقی وزرا شاہ محمود قریشی اور فواد چوہدری کیخلاف غداری کی کارروائی کیلیے انٹرا کورٹ اپیل پر خارج کردی۔

منگل کے روز اسلام ہائیکورٹ کے جسٹس عامر فاروق اور جسٹس سردار اعجاز اسحاق خان پر مشتمل ڈویژن بنچ نے محفوظ فیصلہ سنایا اور سنگل رکنی بنچ کا فیصلہ برقرار رکھتے ہوئے درخواست ناقابل سماعت قرار دے کر خارج کر دی۔

واضح رہے کہ 11 اپریل کو اسلام آباد ہائیکورٹ کے سنگل رکنی بنچ نے 1 لاکھ جرمانہ کے ساتھ غداری مقدمہ درج کرانے کیلیے دائر درخواست خارج کر دی تھی۔

درخواست گزار مولوی اقبال حیدر نے اپنے مقدمے کی خود پیروی کی تھی اور دلائل دیتے ہوئے کہا تھا کہ سابق وزیر اعظم نے ایک جلسے کے دوران ایک خط عوام کو دکھایا، ایو ایس سفارتخانہ نے متنازع خط کو جعلی قرار دیا ہے۔

مزید پڑھیں: عمران خان کیخلاف غداری کی کارروائی کی درخواست خارج ، وکیل پر ایک لاکھ روپے جرمانہ عائد

جس پر چیف جسٹس کا کہنا تھا کہ ریاست کو اپنا کام کرنے دیں، سیاسی مسائل کو عدالت کیوں لائے ہو، آپ نے اپنی درخواست میں استدعا کیا کی ہے،عمران خان منتخب وزیراعظم تھے، پرویزمشرف سےموازنہ نہ کریں۔

Comments

یہ بھی پڑھیں