کراچی: پیٹرول اور ڈیزل کی اسمگلنگ سے قومی خزانے کو ماہانہ 10 ارب روپے کا نقصان ہونے کا انکشاف ہوا ہے۔
اے آر وائی نیوز کے مطابق آئل کمپنیز ایڈوائزری کمیٹی اور پیٹرولیم ڈیلرز ایسوسی ایشن نے سیکریٹری پیٹرولیم کو خط لکھا ہے جس میں کہا گیا ہے کہ ماہانہ 3.56 کروڑ ڈالر کی تیل مصںوعات اسمگل ہوکر آرہی ہے۔
ایڈوائزری کمیٹی نے معاشی نقصان اور آئل انڈسٹری کو درپیش خطرات کا فوری نوٹس لینے کا مطالبہ کیا ہے۔
- Advertisement -
پیٹرولیم ڈیلرز نے اسمگلنگ کے باعث تیل مصںوعات کی قانونی فروخت میں 50 فیصد کمی کا دعویٰ کیا ہے، پی پی ڈی اے کا کہنا ہے کہ ماہانہ 4 کروڑ لیٹر پیٹرول اور ڈیزل اسمگل ہوکر ملک میں آرہا ہے۔