کراچی : پی آئی اے نے خیبر پخنونخواہ کے عوام کیے مطالبے پر پشاور سے شارجہ کیلئے پروازوں کا آغاز کردیا، پرواز پی کے 257 کے ذریعے160سے زائد مسافروں کو لے کر روانہ ہوگئی۔
اس حوالے سے چیف آپریٹنگ افسر عبید الرحمان کا کہنا ہے کہ پشاور سے مسافروں کیلئے پی آئی اے کی الگ پرواز آپریٹ کرنا انتہائی ناگزیر تھی، یہ خیبرپختونخواہ کے عوام کا دیرینہ بھی مطالبہ تھا۔
پروازوں کے آغاز سے کے پی کے مسافروں کو سہولت میسر آئے گی، سی او او عبیدالرحمان نے بتایا کہ پی آئی اے کل سے العین کیلئے بھی اپنی پروازوں کا آغاز کررہی ہے۔
- Advertisement -
اس کے علاوہ مسافروں اور عوام کی سہولت کیلئے پشاور ایئرپورٹ پر کثیر المنزلہ کار پارکنگ کا منصوبہ پرجلد کام شروع کیا جائے گا، ایئرپورٹ منیجر نے کہا ہے کہ باچا خان انٹرنیشنل ایئرپورٹ پر رات کے وقت لینڈنگ پر پابندیاں جلد ختم ہوجائیں گی۔
