پلے متھ : برطانیہ کے شہر پلے متھ میں فائرنگ کے واقعے میں 5 افراد ہلاک او متعدد زخمی ہوگئے، پولیس کا کہنا ہے کہ پلے متھ میں فائرنگ کے دوران حملہ آور بھی مارا گیا۔
برطانیہ کے شہر پلے متھ میں فائرنگ کے ایک واقعے میں پولیس کے مطابق کئی ہلاکتیں ہوئی ہے۔ غیر ملکی خبر رساں ادارے کے مطابق پولیس کا کہنا ہے پلے متھ کے واقعے میں کئی ایک ہلاکتیں ہوئی ہے اور واقعے میں زخمی ہونے والوں کو طبی امداد دی جاری ہے۔
سکائی نیوز کے مطابق واقعے میں ملوث ملزم کو گولی مار دی گئی ہے، پولیس نے شہریوں سے پرامن رہنے اور گھر سےنہ نکلنے کی ہدایت کی ہے۔
برطانوی سیکریٹری داخلہ پریتی پٹیل نے اپنے ٹوئٹر پیغام میں کہا ہے کہ میری تمام ہمدردیاں متاثرین کے ساتھ ہیں، مقامی پولیس سے رابطےمیں ہوں۔
ممبر پارلیمنٹ جانی مرکرکا کہنا ہے کہ حادثہ دہشت گردی کا واقعہ نہیں، ملزم کو بھاگنےنہیں دیا، شہری پریشان نہ ہوں۔
