اسلام آباد: وزیراعظم عمران خان کا کہنا ہے کہ لائن آف کنٹرول پر دراندازی کے بےبنیاد بھارتی الزامات خطرناک ایجنڈے کاتسلسل ہیں۔
تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ دنیا کو بھارت کے جھوٹے فلیگ آپریشن کی کوششوں سے مسلسل خبردار کر رہا ہوں۔
انہوں نے ایک مرتبہ پھر خبردار کیا کہ لائن آف کنٹرول (ایل او سی) پر دراندازی کے بے بنیاد بھارتی الزامات خطرناک ایجنڈے کاتسلسل ہیں۔
I have been warning the world about India’s continuing efforts to find a pretext for a false flag operation targeting Pakistan. Latest baseless allegations by India of "infiltration” across LoC are a continuation of this dangerous agenda.The Indigenous Kashmiri resistance against
— Imran Khan (@ImranKhanPTI) May 6, 2020
وزیراعظم عمران خان نے کہا کہ مقبوضہ وادی میں کشمیریوں کی جدوجہد قابض بھارت کے مظالم کا نتیجہ ہے،آرایس ایس،بی جے پی کی فاشسٹ پالیسیاں سنگین خطرہ ہیں۔انہوں نے اپنے پیغام میں مزید کہا کہ جنوبی ایشیا کے امن کے لیے خطرہ بننے سے پہلے دنیا بھارتی جارحیت کا نوٹس لے۔
ایل او سی پر بھارتی جارحیت بڑھ رہی ہے، ڈی جی آئی ایس پی آر
یاد رہے کہ دو روز قبل 2 روز قبل پاک فوج کے شعبہ تعلقات عامہ کے ڈائریکٹر میجر جنرل بابر افتخار نے بھارت کے پاکستان پر لانچ پیڈ کے الزامات کو غلط اور بے بنیاد قرار دیتے ہوئے عالمی مبصرین کو دورہ کرنے کی دعوت دی تھی۔
