site
stats
پاکستان

جنرل اسمبلی میں وزیراعظم نے قوم کی ترجمانی کی،پرویز رشید

لاہور : وزیر اطلاعات و نشریات پرویز رشید کا کہنا ہے کہ اگر ملک کو ترقی دینا اگر جرم ہے تو یہ جرم بار بار کرتے رہیں گے،جنرل اسمبلی میں وزیراعظم نے قوم کی ترجمانی کی۔

وفاقی وزیر پرویز رشید لاہور میں میڈیا سے گفتگو کر رہے تھے۔ اُن کا کہنا تھا کہ وزیر اعظم پاکستان کی جنرل اسمبلی میں کی گئی تقریر پاکستانی اور کشمیری عوام کی ترجمانی کرتی ہے۔

انہوں نے کہا کہ مسئلہ کشمیر کو ایک آمر نے ترجیحات سے ہٹایا جس کے باعث مسئلہ کشمیر کب کا دب چکا تھا لیکن ایک عوامی رہنما نواز شریف نے آکر اسے دوبارہ سے اُٹھادیا۔

وفاقی وزیر کا کہنا تھا کہ اقوام متحدہ کی جنرل اسمبلی میں وزیر اعظم پاکستان نے قوم کی ترجمانی کرتے ہوئے مسئلہ کشمیر کو دنیا کے سامنے اُجاگر کیا۔

پاکستان تحریک انصاف کی جانب سے رائے ونڈ مارچ کرنے پر پوچھے گئے سوال کے جواب میں انہوں نے کہا کہ جو درد ملک کی تعمیر اور ترقی کرنے والی قیادت ہو تا ہے وہ درد ’’بلاّ‘‘ اُٹھانے والوں کو نہیں ہو سکتا ہے اس لیے ہم اپنا کام یعنی ملک کی ترقی کا عمل جاری رکھیں گے۔

انہوں نے مزید کہا کہ نواز شریف اصل لیڈر ہیں جنہوں نے ملک بھر میں سڑکوں اور پلوں کا جال بچھا رہا ہے،کراچی میں امن قائم کیا اور دہشت گردی کے خلاف جنگ کا آغاز بھی نواز شریف نے کیا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top