لندن: وزیرِ اعظم پاکستان میاں محمد نواز شریف اوپن ہارٹ سرجری کے بعد تیزی سے رو بہ صحت ہو رہے ہیں، آج انہیں ’’آئی سی یو‘‘ سے کمرے میں منتقل کردیا گیا۔
تفصیلات کے مطابق وزیراعظم نواز شریف کامیاب اوپن ہارٹ سرجری کے بعد تیزی سے صحت یاب ہورہے ہیں،گزشتہ کل کی طرح آج بھی انہوں نے چہل قدمی کی،ان کی تسلی بخش حالت کو دیکھتے ہوئے ڈاکٹرز نے انہیں انتہائی نگہداشت کے وارڈز سے ہسپتال کے کمرے میں منتقل کرنے کی اجازت دے دی۔
By the Grace Of The Almighty, the Prime Minister has been shifted to his room today. He is Masha’Allah recovering speedily.
— Maryam Nawaz Sharif (@MaryamNSharif) June 4, 2016
مریم نواز نے اپنے ٹوئٹ میں مسرت کا اطہار کرتے ہوئے بتایا ہے کہ وزیراعظم نواز شریف کو آئی سی یو سے کمرے میں شفٹ کردیا گیاہے اور وہ تیزی سے صحت یاب ہورہے ہیں۔
وزیر اعظم نواز شریف کی اوپن ہارٹ سرجری کامیاب
یاد رہے دل کی بیماریوں کے باعث گزشتہ چند روز سے وزیر اعظم برطانیہ کے ہسپتال میں زیرعلاج ہیں،جہاں اُن کی اوپن ہارٹ سرجری کی گئی تھی،جس کے بعد انہیں انتہائی نگہداشت کے وارڈز میں داخل کرلیا گیا تھا.
