The news is by your side.

Advertisement

وزیراعظم کےچھوٹے صاحبزادےحسن نوازآج جے آئی ٹی کےسامنے پیش ہوں گے

اسلام آباد: وزیراعظم میاں محمد نوازشریف کے چھوٹے صاحبزادے حسن نواز آج پہلی بار پاناماکیس کی جے آئی ٹی کے سامنے پیش ہوں گے۔

تفصیلات کےمطابق وزیراعظم پاکستان کے چھوٹے بیٹےحسن نواز آج جے آئی ٹی کےسامنے پیش ہوں گےجبکہ حسین نواز آج تیسری مرتبہ جے آئی ٹی کےسامنے پیش ہوں گے۔

پانامہ کیس کی تحقیقات کرنےوالی ٹیم کے سامنے اپنا بیان ریکارڈ کرانے کےلیےحسین نواز آج پھر 11 بجے فیڈرل جوڈیشل اکیڈمی میں پیش ہوں گے۔


حسین نوازجے آئی ٹی کو تسلی بخش جوابات نہ دے سکے، اندرونی کہانی


خیال رہےکہ گزشتہ روزجے آئی ٹی نے حسین نواز سے اہم دستاویزات مانگی تھی جس کے لیے وزیراعظم کے صاحبزادے نے دستاویزات پر قانونی رائے کےلیے وقت مانگا تھا اور آج دوسرے مرحلے میں حسین نواز دستاویزات پیش کریں گے۔

یاد رہےکہ گزشتہ روز ہی مشترکہ تحقیقاتی ٹیم نے نیشنل بینک کے صدر سعید احمد سے 13 گھنٹے سے زائد پوچھ گچھ کی تھی۔


سپریم کورٹ نے جے آئی ٹی ممبران پرحسین نواز کےاعتراضات مسترد کردیئے


واضح رہے کہ حسین نواز نے جے آئی ٹی میں شامل دو ارکان پراعتراض بھی اٹھایا تھا اوراس سلسلے میں سپریم کورٹ میں درخواست بھی دائر کی تھی تاہم سپریم کورٹ نے حسین نواز کے اعتراضات کو مسترد کرتے ہوئے جے آئی ٹی کو کام جاری رکھنے کا حکم دے دیا تھا۔


اگرآپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اوراگرآپ کو یہ مضمون پسند آیا ہے تو اسے اپنی فیس بک وال پرشیئرکریں۔

Print Friendly, PDF & Email

Comments

comments

یہ بھی پڑھیں