The news is by your side.

Advertisement

بغیر ہیلمٹ سواری، سارہ علی خان کے خلاف پرچہ کٹ گیا

ممبئی: بالی ووڈ کی ابھرتی ہوئی اداکارہ سارہ علی خان کو بائیک پر بغیر ہیلمٹ سواری مہنگی پڑ گئی، پولیس نے دیوا کے خلاف مقدمہ درج کرلیا۔

تفصیلات کے مطابق گزشتہ برس بالی ووڈ انڈسٹری کو دو کامیاب فلمیں دینے والی سیف علی خان کی صاحبزادی کی ویڈیو سوشل میڈیا پر وائرل ہوئی جس میں وہ بائیک پر بغیر ہیلمٹ پیچھے بیٹھ کر سواری کررہی تھیں۔

بھارتی میڈیا رپورٹس کے مطابق سارہ علی خان نے بائیک سواری اپنی نئی آنے والی فلم ‘لو آجکل‘ کے ایک منظر کی عکس بندی کے لیے کی، وہ دہلی میں آج کل اپنی نئی آنے والی فلم کی شوٹنگ میں مصروف ہیں۔

مزید پڑھیں: بالی ووڈ اداکارہ سارہ علی خان والدہ کا کون سا کردار ادا کرنے کی خواہشمند؟

یہ بھی پڑھیں: سارہ علی خان کا ’باغی 3‘ میں ٹائیگرو شیروف کے ساتھ کام کرنے سے انکار

سوشل میڈیا پر وائرل ہونے والی ویڈیو میں دیکھا جاسکتا ہے کہ سارہ علی خان جس بائیک پر بیٹھی تھیں وہ اداکار کارتیک آریان چلا رہے تھے۔

نئی دہلی پولیس نے سماجی رابطے کی ویب سائٹ پر ویڈیو دیکھ کر سیف علی خان کی بیٹی کے خلاف پرچہ کاٹ دیا، پولیس افسر کا میڈیا سے گفتگو کرتے ہوئے کہنا تھا کہ قانون کی خلاف ورزی چاہے کوئی بھی کرے اُسے جرمانہ کیا جائے گا۔

انہوں نے سوال کیا کہ اگر کوئی حادثہ پیش آجاتا تو اس کا ذمہ دار کون ہوتا؟۔ انہوں نے کہا کہ مقدمہ درج کرنے کے بعد سارہ کی گرفتاری یا کسی بھی اقدام کے حوالے سے سوچا جائے گا۔

Comments

comments

یہ بھی پڑھیں