The news is by your side.

Advertisement

مرسڈیز کار کے شوقین شخص کی حیران کن تدفین

جوہانسبرگ: جنوبی افریقا میں ایک شخص کو اس کی وصیت کے مطابق مرسڈیز کار سمیت ہی دفن کردیا گیا۔

غیرملکی خبررساں ادارے کی رپورٹ کے مطابق جنوبی افریقا میں ایک شخص نے مرنے سے قبل اہلخانہ کو وصیت کی تھی کہ مرنے کے بعد میری مرسڈیز بینز میں بٹھا کر تدفین کی جائے۔

رپورٹ کے مطابق مرنے والے شخص کی عمر 72 سال اور نام تزکیدی بتیسو ہے، تصاویر میں دیکھا جاسکتا ہے کہ مذکورہ شخص کو وصیت کے مطابق اس کی ہردلعزیز گاڑی مرسڈیز بینز کی ڈرائیونگ سیٹ پر بٹھا کر دفن کیا گیا ہے۔

tshekede

وصیت کرنے کے چند ماہ بعد ہی بتیسو طبعی موت مرگئے جس پر اہلخانہ نے حیران کن وصیت پر من و عن عمل کرنے کا فیصلہ کیا اور لاش کو مذکورہ لباس پہنا کر کار کی ڈرائیونگ سیٹ پر بٹھایا اور ایک ہاتھ اسٹیئرنگ جب کہ دوسرا ہاتھ گیئر پر رکھا اور سیٹ بیلٹ بھی باندھی گئی تاکہ ایسا لگے جیسے بتسیو مرے نہیں بلکہ گاڑی چلا رہے ہوں۔

mercedes

تصاویر میں دیکھا جاسکتا ہے کہ مذکورہ شخص کو کار میں بٹھانے کے بعد ایک سلور رنگ کی چادر کو کفن کی طرح پہنا کر ایک بڑے اور گہرے گڑھے میں دفنادیا گیا اور کپڑے کے اوپر ایک گلدستہ بھی رکھا گیا، باقی رسومات ملکی طریقہ کے مطابق ادا کی گئیں۔

لواحقین کا کہنا تھا کہ بتیسو کو جرمن کاروں بالخصوص مرسڈیز سے بے حد لگاؤ تھا اور وہ اکثر اپنی مرسڈیز کار کے ساتھ ہی دفن ہونے کی خواہش کا اظہار کرتے تھے۔

tshekede

Comments

یہ بھی پڑھیں