اسلام آباد: وزیراعظم عمران خان نے نو منتخب امریکی صدر جو بائیڈن کی جانب سے غیر قانونی پیسے سے متعلق پالیسی کا خیر مقدم کیا ہے۔
تفصیلات کے مطابق سماجی رابطے کی ویب سائٹ ٹوئٹر پر جاری اپنے بیان میں وزیر اعظم نے کہا کہ جو بائیڈن کی غیر قانونی پیسے سے متعلق پالیسی کا خیر مقدم کرتا ہوں، ترقی پزیر ممالک میں غربت کی وجہ ان کے کرپٹ اشرافیہ ہیں، کرپٹ اشرافیہ لوٹی دولت آف شور ٹیکس ہیونز میں منتقل کرتے ہیں۔
I welcome US President elect Biden's declared intent of a policy targeting dirty money. Developing countries are being impoverished by their corrupt elites who launder money to richer countries and offshore tax havens.https://t.co/40GcFhprtz
— Imran Khan (@ImranKhanPTI) December 9, 2020
بین الاقوامی میڈیا رپورٹ کے مطابق جو بائیڈن جنہوں نے سابق امریکی صدر باراک اوبامہ کے دور اقتدار میں نائب صدر کی ذمہ داریاں سنبھالی تھی، نائب صدر کی حیثیت سے انہوں نے اوبامہ انتظامیہ کو امریکا میں بدعنوانی اور غیر قانونی پیسے سے متعلق ٹھوس پالیسی مرتب کرنے کا کہا تھا، اب بطور صدر وہ بار بار اس عزم کا اظہار کرر ہے ہیں کہ وہ اس سنگین مسئلے کی جانب اپنی توجہ کو مرکوز کرینگے۔
میڈیا رپورٹ کے مطابق دو سال قبل بھی بائیڈن اور ان کے سابق مشیر مائیکل کارپینٹر نے امریکی جریدے پولیٹیکو میں ایک مضمون میں امریکی انتخابات کی سالمیت کے لئے نامعلوم غیر ملکی رقم کے استعمال کے بارے میں متنبہ کیا تھا۔
یہ بھی پڑھیں: جوبائیڈن نے امریکی تاریخ بدل دی، اہم فیصلہ
نو منتخب امریکی صدر جو بائیڈن سے توقع ہے کہ وہ ریاست ہائے متحدہ امریکہ میں اور بیرون ملک غیر قانونی مالی اعانت کے خلاف اپنی انتظامیہ کو ایک مرکز پر لانے میں کامیاب ہوجائیں گے، اس اقدام سے پوری دنیا میں انسداد بدعنوانی کی کوششوں پر گہرے اثرات مرتب ہوسکتے ہیں۔