کراچی : پیپلز پارٹی نے نبیل گبول کو ایک انٹرویو میں نامناسب الفاظ کے استعمال پر شوکازنوٹس جاری کرتے ہوئے تین دن کے اندر وضاحت کرنے کی ہدایت کردی۔
تفصیلات کے مطابق پیپلز پارٹی نے نبیل گبول کو یو ٹیوبر کو انٹرویو میں نامناسب الفاظ کے استعمال پر شوکاز جاری کر دیا۔
ترجمان پیپلز پارٹی نے بتایا کہ نبیل گبول کو شوکاز نوٹس پی پی پی سندھ کے صدر نثار کھوڑو کی جانب سے جاری کیا گیا، جس میں نبیل گبول کو تین دن کے اندر وضاحت کرنے کی ہدایت کی گئی ہے۔
- Advertisement -
ترجمان کا کہنا تھا کہ وضاحت نہ کرنے پر نبیل گبول کے خلاف تنظیمی نظم و ضبط کی کارروائی ہوگی، نامناسب گفتگو اور غیر پارلیمانی الفاظ کا استعمال پیپلز پارٹی کی پالیسی نہیں ہے۔
