بالی ووڈ کے معروف کوریو گرافر اور ڈائریکٹر پربھو دیوا کے ہاں 50 برس کی عمر میں بیٹی کی پیدائش ہوئی ہے۔
بھارتی میڈیا رپورٹس کے مطابق کوریو گرافر پربھو دیوا نے گھر ننھی پری کی آمد کی تصدیق کردی ہے اور ساتھ ہی بیٹی کی پیدائش پر خوشی کا اظہار کیا ہے۔
پربھو دیوا کے ہاں بیٹی کی پیدائش دوسری اہلیہ ہیمانی پربھو سے ہوئی ہے۔
پربھو دیوا سے انٹرویو کے دوران بیٹی کی پیدائش سے متعلق سوال کیا گیا جس پر انہوں نے کہا کہ ’یہ بات بالکل ٹھیک ہے کہ میرے گھر بیٹی کی آمد ہوئی ہے، اس عمر میں والد بننے پر میں خود کو اب مکمل محسوس کررہا ہوں۔‘
انہوں نے کہا کہ بیٹی کی پیدائش کے بعد اپنی نومولود اور اہلیہ کے ساتھ زیادہ سے زیادہ گزارنا چاہتا ہوں اس لیے اب کم کام کرنے کا فیصلہ کیا ہے۔
واضح رہے کہ پربھو دیوا اب چار بچوں کے باپ بن چکے ہیں اس سے قبل پہلی اہلیہ رام لتھا سے ان کے تین بچے تھے۔
پربھو دیوا اور رام لتھا نے شادی کے 9 سال بعد راہیں جدا کرلی تھیں، جوڑے کے تین بیٹے ہیں ان کا ایک بیٹا 2008 میں برین ٹیومر میں مبتلا ہوکر چل بسا تھا تاہم اب دو بیٹے والدہ کے ساتھ رہتے ہیں۔
یاد رہے کہ پربھو دیوا نے 2020 میں ڈاکٹر ہیمانی سنگھ سے شادی کی تھی۔
