The news is by your side.

Advertisement

وزیراعظم شہباز شریف آج خالد مقبول صدیقی سے ملاقات کریں گے

 وزیراعظم شہباز شریف آج ایم کیو ایم کے رہنما ڈاکٹر خالد مقبول صدیقی سے ملاقات کرینگے اور وزیراعظم کے انتخاب میں ایم کیو ایم کے تعاون پر شکریہ ادا کرینگے۔

ذرائع نے اس حوالے سے اے آر وائی نیوز کو بتایا کہ موجودہ سیاسی صورتحال میں مسلم لیگ ن اور ایم کیو ایم کے درمیان رابطہ ہوا ہے، وزیراعظم شہباز شریف آج ڈاکٹر خالد مقبول صدیقی سے ملاقات کرینگے اور یہ ملاقات دوپہر ایک بجے پارلیمنٹ لاجز میں ہوگی۔

ذرائع کے مطابق ملاقات میں سیاسی صورتحال اور ورکنگ ریلیشن شپ پر بات چیت ہوگی اور مستقبل کے لائحہ عمل اور ہونیوالے معاہدے پر عملدرآمد سمیت دیگر امور پر تبادلہ خیال کیا جائیگا۔

ذرائع نے یہ بھی بتایا کہ ملاقات کے دوران شہباز شریف وزیراعظم کے انتخاب پر ایم کیو ایم کےتعاون پر شکریہ بھی ادا کرینگے۔

واضح رہے ک شہباز شریف نے گزشتہ روز پاکستان کے 23 ویں وزیراعظم کا حلف اٹھایا تھا اس موقع پر ایم کیو ایم کے رہنما وسیم اختر نے نومنتخب وزیراعظم کے خطاب میں متحدہ کے ساتھ طے پانے والے معاہدے کا ذکر نہ کرنے کا شکوہ کیا تھا۔

مزید پڑھیں: ایم کیو ایم کا شہبازشریف سے شکوہ

وسیم اختر کا کہنا تھا کہ ن لیگ اور پیپلزپارٹی وفاق اور سندھ کی سطح پر ایم کیوایم سے معاہدہ کیا تھا جس کے تحت ایم کیوایم نے اپوزیشن کا ساتھ دیا اسی لیےشہبازشریف وزیراعظم بنے شہبازشریف کےخطاب میں معاہدےکا اعلان ہونا چاہیے تھا۔

Comments

یہ بھی پڑھیں