ممبئی: بالی ووڈ کی کامیاب ترین اداکارہ پریانکا چوپڑا جولائی کے یا اگست میں امریکی گلوکار نک جانس کے ساتھ منگنی کرنے جارہی ہیں۔
بھارتی میڈیا کے مطابق بالی ووڈ اداکارہ اور امریکی گلوکار کی پہلی ملاقات گزشتہ برس میٹ گالا میں ہوئی جس کے بعد دونوں قربت بڑھنے کے ساتھ ایک دوسرے کی محبت میں گرفتار ہوگئے۔ نک جانس نے امریکی ڈرامے کوانٹیکو کی شوٹنگ کے دوران اداکارہ سے محبت اور شادی کی خواہش کا اظہار کی جسے پریانکا نے قبول کرلیا۔
امریکی گلوکار گزشتہ روز پریانکا کے ساتھ بھارت پہنچے تاکہ وہ اداکارہ کی والدہ کو راضی کرسکیں اور ساتھ ہی منگنی کی تاریخ اور دن طے کر لیں، پریانکا اور نک جانس گوا میں ساتھ چھٹیاں گزاریں گے۔
شادی کے حوالے سے ابھی دونوں شخصیات نے کوئی تصدیق یا تردید نہیں کی تاہم قریبی ذرائع اس بات کا دعویٰ ہے کہ جولائی یا اگست کے آغاز پر امریکا میں منگنی کا انعقاد کیا جائے گا جس میں صرف مخصوص لوگ اور قریبی دوست شرکت کریں گے۔
مزید پڑھیں: ’پریانکا کو پاکستان بھیج دو‘ انتہا پسند ہندوؤں کی پکار
واضح رہے کہ نک اور پریانکا کی پہلی ملاقات 2017 میں کانز فلم فیسٹول کے ’میٹ گالا‘ پر ہوئی تھی جس میں دونوں نے ایک ساتھ اپنی پرفارمنس کا مظاہرہ کیا تھا۔
یاد رہے کہ پریانکا چوپڑا کو سماجی رابطوں کی دنیا میں مقبول شخصیت سمجھا جاتاہے، اس لیے وہ کنگ خان اور دبنگ خان جیسے سنیئر و باصلاحیت اداکاروں کے مد مقابل نظر آتی ہیں۔
خیال رہے کہ برطانوی جریدے فوربز میگزین میں بالی ووڈ اداکارہ پریانکا چوپڑا کا نام زیادہ کمانے والے اداکاروں کی فہرست میں آٹھویں نمبر جبکہ جرمنی سے شائع ہونے والی 100 بااثر خواتین کی فہرست میں اُن کا 97واں نمبر آیا تھا۔
یہ بھی پڑھیں: بھارتی دہشت گردی اور پاکستان پر الزام، چہرہ بے نقاب کرنے پر پریانکا زیرعتاب
یہ بھی یاد رہے کہ پریانکا نے گزشتہ برس ہالی ووڈ فلم ہاؤس آف کارڈ میں رابن ورتھ کے ساتھ مرکزی کردار عمدہ طریقے سے نبھایا تھا، جسے مداحوں نے بہت پسند کیا اور فلم نے باکس آفس پر کامیابی کے جھنڈے لہرائے تھے۔
بھارتی اداکارہ یونی سیف کی خیر سگالی سفیر ہیں وہ دنیا بھر میں تعلیم کے فروغ کے لیے کام سرگرم ہیں اور چند روز قبل شام سے اردن ہجرت کرنے والے مہاجرین کے کیمپس میں متاثرہ بچوں سے ملاقاتیں بھی کیں تھیں۔
