پاکستان امیگریشن، پاسپورٹ اینڈ ویزہ اتھارٹی کے قیام کی تجویز وفاقی حکومت کو ارسال کر دی گئی۔
اتھارٹی کے قیام کیلئے نیا ترمیمی آرڈیننس بھی تیار کیا گیا ہے۔ اتھارٹی ڈیجیٹل امیگریشن، ای ویزہ، ایمر جنسی ٹریول ڈاکومنٹ، مشین ریڈایبل پاسپورٹس جاری کر سکے گی۔
پاکستانی شہریت کے سرٹیفکیٹس بھی اجرا کر سکے گی۔
اتھارٹی کیلئے تیار مجوزہ آرڈیننس کے مطابق اتھارٹی کو پاسپورٹ، ویزہ، تمام داخلی و خارجی پواینٹس پر امیگریشن کے اختیارات ہوں گے جب کہ نیشنل بارڈر مینجمنٹ،، ایگزٹ کنٹرول لسٹ، پاسپورٹ کنٹرول لسٹ، ایف سی ایل سے متعلقہ مختلف سسٹم بنانے کے اختیارات بھی ہوں گے۔
اتھارٹی کے پاس پاسپورٹ کے اجرا، ان کی تجدید، ویزہ کے اجراء کے بھی اختیارات ہوں گے، ویزہ تجدید اور ان حوالوں سے درخواستیں وصول کرنے کے اختیارات، اتھارٹی امیگریشن، پاسپورٹ اور ویزہ ڈیٹا وئیر ہاؤس بنانے اختیارات ہوں گے۔
اتھارٹی پاکستان سٹیزن شپ ایکٹ 1951اور پاکستان سٹیزن شپ رولز 1952 کے تحت سٹیزن شپ سرٹیفیٹ جاری کر سکے گی۔ اتھارٹی پاکستان کے تمام ائیرپورٹس، زمینی بارڈرز اور بندر گاہوں پر بلا تعطل امیگریشن سرو س کی فراہمی کے لئے ای گیٹس کی سہولت فراہم کرے گی
مجوزہ آرڈینینس کے مطابق انٹری اور ایگزٹ کا ڈیٹا بیس بنایا جائے گا، اتھارٹی کسی قسم کی اہم معلومات کے لئے فیڈر ل ایجنسیوں کو درخواست کر سکے گی، اتھارٹی کے پا س ریجنل پاسپورٹس آفیسر اور امیگریشن افسران کی گاہے بگاہے بھرتیوں کا اختیار بھی ہوگا، ڈائریکٹر جنرل پاکستان امیگریشن، پاسپورٹ اینڈ ویزہ اتھارٹی اس نوکری کے دوران کوئی اور بزنس یا نوکری نہیں کر سکے گا۔
