میکسیکو : عوام نے پٹرول کی قیمتوں میں زبردست اضافہ کے خلاف احتجاج کرتے ہوئے ملک گیر پیمانے پر سڑکوں پر ٹریفک بہاؤ کو مسدود کردیا۔
تفصیلات کے مطابق میکسیکو میں عوام نے پیٹرول کی قیمتوں میں زبردست اضافہ کے خلاف احتجاج کیا اس دوران چند لو گوں نے لوٹ مار کی اور متعدد اسٹورز کا صفایا کردیا، کسی کے ہاتھ ٹی وی لگا تو کسی نے واشنگ مشین اٹھائی ،کسی نے کھانے پینے کی اشیا لوٹیں، جس کے جو ہا تھ لگا اٹھا یا اور بھاگ گیا۔
پولیس پہنچی تو سارے اسٹورز لٹ چکے تھے، فورسز نے کاروائی کر کے دو سو سے زائد لوگوں کو گرفتار کرلیا۔
تاہم احتجاج کے باوجود حکومت نے اضافہ کا فیصلہ یہ کہہ کر واپس نہیں لیا کہ یہ فیصلہ دراصل توانائی کے شعبہ میں اصلاحات کا ایک حصہ ہے۔
اسی دوران بزنس فیڈریشن کو پارمیکس نے بھی پٹرول کی قیمت میں زبردست اضافہ کو صارفین کیلئے نقصان دہ بتایا۔
دریں اثناء پولیس نے بتایا کہ احتجاجی عوام نے تقریباً 10 ریاستوں میں راستہ روکو احتجاج منظم کیا۔
یہاں اس بات کا تذکرہ ضروری ہے کہ وزیراعظم انریک پینانیٹو کی حکومت نے گذشتہ ہفتہ پٹرول کی قیمتوں میں 20 فیصد اور ڈیزل کی قیمتوں میں 16.5 فیصد اضافہ کا اعلان کیا تھا، جس کا اطلاق نئے سال کے پہلے دن سے کیا گیا تھا۔
