پاکستان سپر لیگ میں لاہور قلندرز پرانی ڈگر پر لوٹ آئی، دفاعی چیمپئن ٹیم اس ایڈیشن میں مسلسل 5 ویں شکست سے دوچار ہوگئی۔
تفیلات کے مطابق پشاور زلمی نے لاہور قلندرز کو اس کے ہوم گراؤنڈ پر سنسنی خیز مقابلے کے بعد 8 رنز سے ہرا دیا۔ لاہور قلندرز 212 رنز کے تعاقب میں 6 وکٹوں کے نقصان پر 203 رنز بنا سکی۔
لاہور کے راسی وین ڈرڈسن کی شاندارسنچری رائیگاں گئی۔ راسی وین ڈرڈسن نے 52 گیندوں پر 104 رنز کی زبردست اننگز کھیلی۔
اس سے قبل پشاورزلمی نے لاہورقلندرز کو جیت کیلئے 212 رنز کا ہدف دیا تھا۔ پشاور زلمی نے پہلے کھیل کر سیزن 9 کا سب سے بڑا اسکور بنایا۔
پشاور زلمی نے 4 وکٹوں کے نقصان پر 211 رنز کا مجموعہ اسکور بورڈ پر سجایا۔ صائم ایوب نے 55 گیندوں پر 88 رنز بناکر ٹاپ اسکورر رہے۔ کپتان بابراعظم نے 48 اور پاویل نے 46 رنز بنائے.
لاہور قلندرزش کی جانب سے کپتان شاہین شاہ آفریدی نے 3 وکٹیں حاصل کیں جبکہ جہانداد خان نے ایک وکٹ اپنے نام کی۔