دبئی: پاکستان سپرلیگ سیزن سکس کا میلہ دبئی میں جاری و ساری ہے، آج مزید دو میچز کھیلے جائیں گے۔
تفصیلات کے مطابق پاکستان سپر لیگ سیزن سکس کے بہترین مقابلے جاری ہے، شیخ زید اسٹیڈیم سے شائقین کرکٹ کو دلچسپ اور بہترین مقابلے دیکھنے کو مل رہے ہیں۔
پی ایس ایل سکس میں آج بھی دو تگڑے مقابلے ہونے جارہے ہیں، پہلا میچ لاہور قلندرز اور اسلام آباد یونائیٹڈ کے درمیان پاکستانی وقت کے مطابق شام چھ بجے کھیلا جائے گا جبکہ دوسرا مقابلہ پشاور زلمی اور ملتان سلطانز کے درمیان رات گیارہ بجے ہوگا۔
اس وقت پوائنٹس ٹیبل پر لاہور قلندرز سرفہرست ہے، اسلام آباد یونائیٹڈ کو ہراکر قلندرز اپنی پوزیشن مزید مستحکم کرنے کا خواہاں ہیں، یونائیٹڈز نےآج میدان مارا تولاہور سے پہلی پوزیشن چھین لیں گے۔
ملتان سلطانز نے پی ایس ایل کے بقیہ میچز کا آغاز کامیابی کیساتھ کیا تھا، جہاں انہوں نے دفاعی چیمپئن کراچی کنگز کو ہرا کر دو اہم پوائنٹس حاصل کئے تھے، اس کے باوجود ملتان کو پلے آف مرحلے میں جانے کیلئےکامیابی کا تسلسل برقرار رکھنا ہوگا۔
پشاور زلمی سات میں سے چارمیچ جیت چکی ہے،اگر آج پشاور زلمی ملتان سلطانز کو ہرا کر پلےآف کیلئے راستےآسان کریں گے۔
