The news is by your side.

Advertisement

کراچی کنگز جیت کا کھاتا نہ کھول سکی

پاکستان سپر لیگ 7 میں کراچی کنگز جیت کا کھاتا نہ کھول سکی اور اسے مسلسل چھٹے میچ میں شکست کا سامنا کرنا پڑا ہے۔

قذافی اسٹیڈیم لاہور میں کھیلے گئے ایونٹ کے 19 ویں میچ میں پشاور کے خلاف کراچی کی خاطرخواہ مزاحمت کا سامنا نہ کر سکی اور 194 رنز کے تعاقب میں مقررہ بیس اوورز میں 138 رنز تک ہی محدود رہی۔ زلمی نے 55 رنز سے شکست دے کر ایونٹ میں تیسری کامیابی حاصل کی.

مطلوبہ ہدف کے تعاقب میں کراچی کنگز کو پہلا نقصان اس وقت اٹھانا پڑا جب شرجیل خان 14 رنز بناکر سلمان ارشاد کی گیند پر بین کٹنگ کو کیچ دے بیٹھے۔ دوسری وکٹ کے لیے بابراعظم اور جوکلارک نے اگلے دس اوورز میں 60 رنز کی شراکت قائم کی تاہم وہ اپنی ٹیم کو فتح دلانے میں کامیاب نہ ہوسکے۔

کپتان بابراعظم بھی 59 رنز اسکور کرکے سلمان ارشاد کا شکار بنے۔ ان کی اننگزمیں 6 چوکے شامل تھے۔ جو کلارک نے 26 رنز بنائے۔

اس شراکت داری کے ٹوٹنے کے بعد کراچی کنگز کا کوئی بھی بیٹر زیادہ دیر کریز پر نہ ٹھہر سکا اور کراچی کنگز کی ٹیم مقررہ بیس اوورز میں 6 وکٹوں کے نقصان پر 138 رنز ہی بناسکی۔

سلمان ارشاد اور وہاب ریاض نے دو دو کھلاڑیوں کو پویلین کی راہ دکھائی۔

اس سے قبل کنگز کے کپتان نے ٹاس جیت کر پشاور کو بیٹنگ کی دعوت دی تو ر زلمی نے مقررہ 20 اوورز میں 6 وکٹوں کے نقصان پر 193 رنز بنائے، حضرت اللہ زازئی اور محمد حارث نے کراچی کنگز کے خلاف 97 رنز کا اوپننگ اسٹینڈ فراہم کیا، زازئی 52 جبکہ محمد حارث نے 49 رنز کی عمدہ اننگز کھیلی۔

زلمی کی جانب سے شعیب ملک نے 31 اور بین کٹنگ نے 26 رنز بنائے اور اپنی ٹیم کے مجموعے کو قابل قدر بنانے میں اہم کردار ادا کیا۔

https://twitter.com/KarachiKingsARY/status/1492820790122885134?s=20&t=mtcPSUHsnugjyu-RV1lCRA

کراچی کنگز کی جانب سے کرس جارڈن کامیاب بولر رہے جنہوں نے 41 رنز کے عوض 3 کھلاڑیوں کو پویلین بھیجا، محمد نبی، قاسم اکرم اور عمید آصف کے حصے میں ایک ایک وکٹ آئی۔

میچ کے آغاز پر پشاور زلمی کے کپتان وہاب ریاض نے گفتگو کرتے ہوئے کہا کہ میں بھی بولنگ کا ہی سوچ رہا تھا ، 170 سے 180 رنز کا ٹارگٹ دینے کی کوشش کریں گے ، یہ اچھا ٹارگٹ ہو گا، نیا وکٹ ہے ،کنڈیشن بھی اچھی ہیں۔

کراچی کنگز کے کپتان بابراعظم نے ٹاس کے بعد گفتگو میں بتایا تھا کہ ٹیم میں تین تبدیلیاں کی گئیں ہیں، جوکلارک اور قاسم اکرم کی کراچی کنگز میں واپسی ہوئی ہے جبکہ فاسٹ بولرعثمان شنواری انجری کی وجہ سے باہر ہوگئے ان کی جگہ عامر یامین کوفائنل الیون میں شامل کیا گیا ہے۔

https://twitter.com/KarachiKingsARY/status/1492786970187243526?s=20&t=xrCNdhpYbPn-F3-7a9_6PA

پشاور زلمی کے خلاف کراچی کنگز کا یہ میچ انتہائی اہمیت کا حامل ہے، کنگز کےپاس غلطی کی گنجائش نہیں، جیت ہی وہ واحد صورت ہے جو اسے ایونٹ میں رہنے کی آخری امید فراہم کرے گی۔

دونوں ٹیموں کے درمیان ہیڈ ٹو ہیڈ میچوں میں پشاور کو برتری حاصل ہے، جہاں 11 میچوں میں زلمی نے میدان مارا جبکہ کراچی نے 6 میچز میں کامیابی حاصل کی۔

Comments

یہ بھی پڑھیں