اسلام آباد : ڈسٹرکٹ اینڈ سیشن کورٹ اسلام آباد نے احتجاج اور توڑ پھوڑ کیس میں بانی پی ٹی آئی، اسدعمر، فیصل جاوید اوردیگررہنماؤں کوبری کردیا۔
تفصیلات کے مطابق ڈسٹرکٹ اینڈ سیشن کورٹ اسلام آبادنے تھانہ ترنول میں درج احتجاج اور توڑ پھوڑ کے کیسز میں بانی پی ٹی آئی،اسدعمر،فیصل جاویداوردیگررہنماؤں کو بری کردیا۔
جوڈیشل مجسٹریٹ محمد شبیر نے بریت کی درخواستیں منظور کرنے کا فیصلہ جاری کیا،، فیصلے میں کہاگیاکہ ملزمان کی جانب سے الگ الگ بریت کی درخواستیں دائر کی گئیں، مقدمات میں ملزمان کوسزانہیں سنائی جاسکتی۔
عدالت کا کہنا تھا کہ مزید ٹرائل چلاناوقت کا ضیاع ہے، بانی پی ٹی آئی، اسدعمر، راجہ خرم شہزاد نواز،علی نواز اعوان،فیصل جاوید،عابد حسین اور ظہیر خان کی بریت کی درخواستیں منظورکی جاتی ہیں۔
خیال رہے احتجاج اور توڑپھوڑ کے مقدمات میں ملزمان اسدعمر، علی نواز اعوان اور فیصل جاوید ضمانت پر ہیں۔
