بالی ووڈ اداکارہ کریتی کھربندا اور اداکار پلکت سمراٹ کی شادی کی تاریخ سے متعلق قیاس آرائیاں کی جارہی ہے تاہم اب جوڑے نے خود ہی اپڈیٹ دی ہے۔
فوٹو اینڈ شیئرنگ ایپ انسٹاگرام پر ویلنٹائن ڈے کے خاص موقع پر پلکت سمراٹ اور کریتی کھربندا نے جلد ہی شادی کے بندھن میں بندھنے کا انکشاف کیا ہے تاہم تاریخ اور وینیو سے متعلق نہیں بتایا ہے۔
View this post on Instagram
کریتی کھربندا نے اپنے آفیشیل اکاؤنٹ پر ایک پوسٹ کیا ہے، اس پوسٹ میں دونوں نے ایک دوسرے کا ہاتھ پکڑ رکھا ہے اور کیپشن میں لکھا ہے ’چلو مارچ کرتے ہیں، تاہم انہوں نے مزید کچھ واضح نہیں کیا۔
لیکن جوڑے کے فینز ان کے کیپشن سے اندازہ لگا رہے ہیں کہ یہ جوڑی مارچ میں شادی کرنے والی ہے، اس پوسٹ پر اداکار بوبی دیول نے بھی پیار برسایا ہے، ساتھ ہی جوڑے کے فینز انہیں مبارکباد دے رہے ہیں۔
View this post on Instagram
دوسری جانب اداکار پلکت سمراٹ نے بھی ویلنٹائن ڈے کے موقع پر اداکارہ کی تصاویر کے ساتھ محبت بھرا پیغام جاری کیا ہے، انہوں نے کیپشن میں دل والے ایموجی کے ساتھ لکھا کہ ’میں کرتا ہوں، میں کرتا ہوں، میں تم سے پیار کرتا ہوں‘۔
واضح رہے کہ سمراٹ اور کھربندا 2019 سے ڈیٹنگ کررہے ہیں جبکہ گزشتہ ماہ دونوں کی منگنی کی تصاویر بھی سامنے آئی تھی۔
پلکت سمراٹ اور کریتی کھربندا نے منگنی کرلی
انسٹاگرام پر پلکت کی بہن ریا سمراٹ نے خاندانی تصاویر شیئر کیں تھی جس میں کریتی کھربندا نے نیلے رنگ کا لباس زیب تن کیا تھا جبکہ دونوں نے ہاتھ میں انگوٹھی بھی پہن رکھی تھی۔
یاد رہے کہ سمراٹ نے اس سے قبل 2014 میں اس وقت کی گرل فرینڈ شویتا روہیرا سے شادی کی تھی جو کہ سلمان خان کی راکھی بہن ہیں تاہم اگلے سال دونوں نے علیحدگی اختیار کرلی تھی۔
