لاہور: صوبہ پنجاب کی کابینہ میں توسیع کا فیصلہ کیا گیا ہے، مجموعی طور پر 12 رکنی کابینہ تشکیل دی جائے گی۔
تفصیلات کے مطابق پنجاب کابینہ میں توسیع کرنے کا فیصلہ کیا گیا ہے، حکومتی ذرائع کا کہنا ہے کہ پہلے مرحلے میں 8 نگراں وزرا کابینہ میں شامل کیے جائیں گے۔
محکومتی ذرائع کا کہنا ہے کہ اس کے بعد مزید 4 نگراں وزرا کو کابینہ میں شامل کیا جائے گا۔
صوبے میں مجموعی طور پر 12 رکنی کابینہ تشکیل دی جائے گی، محکمہ داخلہ اور خزانہ کے قلمدان نگراں وزیر اعلیٰ اپنے پاس رکھیں گے۔
ذرائع کا کہنا ہے کہ حساسیت کی بنیاد پر سیکیورٹی اور خزانہ کے امور نگراں وزیر اعلیٰ محسن نقوی خود دیکھنا چاہتے ہیں۔
