The news is by your side.

Advertisement

ہمیں‌‌ ووٹ‌ دینے پر پنجاب کے پختونوں کو تنگ کیا جارہا ہے، خٹک

پشاور: وزیر اعلیٰ خیبرپختونخوا نے کہا ہے کہ پختونوں نے تحریک انصاف کو ووٹ دیا تو شریف حکومت انہیں پنجاب میں انتقام کا نشانہ بنا رہی ہے، شریف برادران کچھ بھی کرلیں پاناما لیکس سے بچ نہیں سکیں گے۔

میڈیا سے گفتگو کرتے ہوئے  وزیر اعلیٰ خیبرپختونخوا نے کہا کہ شریف برادران کو یہ تکلیف ہے کہ پٹھان تحریک انصاف کے ساتھ ہیں اور انہیں ووٹ دیتے ہیں، درست ووٹ کیسے دیا جاتا ہے پنجاب کے لوگوں کو یہ پختونوں سے ہی سیکھنا پڑے گا۔

انہوں نے کہا کہ ’’میں نے تعلیم لاہور سے حاصل کی اور اپنا بچپن ، جوانی وہیں پر گزاری مگر جو آج پنجاب میں پختونوں کے ساتھ کیا جارہا ہے وہ کبھی نہیں ہوا، خیبرپختونخوا حکومت، تحریک انصاف اور صوبے کے تمام عوام پنجاب میں مقیم پختون بھائیوں کے ساتھ کھڑے ہیں۔

پرویز خٹک نے مزید کہا کہ ’’پختونوں کی مہمان نوازی پورے ملک ہی نہیں بلکہ دنیا بھر میں مشہور ہے، ہم نے افغان مہاجرین کی مہمان نوازی میں کسی قسم کی کثر نہیں چھوڑی مگر حکومت پنجاب پختونوں کو افغان کہہ کر بلاجواز ہراساں کررہی ہے‘‘۔

Print Friendly, PDF & Email

Comments

comments

یہ بھی پڑھیں