ممبئی: بالی ووڈ فلم ساز مہیش بھٹ نے اے آر کے بینر تلے بننے والی فلم پنجاب نہیں جاؤں گی کو ’ونر‘ قرار دے دیا۔
تفصیلات کے مطابق اے آر وائی فلمز اور سکس سگما پلس کی مشترکہ کاوشوں سے بنائی جانے والی فلم کا آفیشل ٹریلر جاری ہوچکا ہے جبکہ گانے ریلیز کرنے کا سلسلہ برقرار ہے۔
فلم ’پنجاب نہیں جاؤں گی‘ میں پاکستانی اداکار ہمایوں سعید جبکہ اداکارہ مہوش حیات کا مرکزی کردارہے جبکہ عروہ حسین ، احمد بٹ، صبا حمید سمیت دیگر فنکار بھی اپنی صلاحیتوں کے جوہر دکھا رہے ہیں۔
فلم کی کہانی رومانوی ہے جس میں پنجاب کی ثقافت اور رسم و رواج کو دکھایا گیا ہے جس کی وجہ سے ہمایوں سعید کو مسائل کا سامنا کرنا پڑتا ہے، فلم کی کہانی دیہاتی لڑکے اور شہری لڑکی کے معاشقے پر مشتمل ہے، ہمایوں سعید کراچی کی رہائشی لڑکی مہوش حیات کو پسند کرنے لگتے ہیں تاہم وہ شادی نہ کرنے اور کسی بھی صورت پنجاب نہ جانے کا اعلان کرتی ہیں۔
دیکھیں: فلم ’پنجاب نہیں جاؤں گی‘ کا آفیشل ٹریلر جاری
فلم کا ٹریلر اور گانوں کو دیکھ کر معروف بھارتی فلم ساز مہیش بھٹ نے سماجی رابطے کی ویب سائٹ پر فلم کا پوسٹر شیئر کرتے ہوئے لکھا کہ ’’ہمایوں سعید کی فلم ’پنجاب نہیں جاؤں گی‘ بقرعید پر ریلیز ہورہی ہے جو ونر ثابت ہوگی‘۔
Humayun Saaed’s – Punjab Nahin Jaaongi is releasing on Bakra Eid ,1st Sept 2017. This film is a certain winner!! pic.twitter.com/AfeQ45HII8
— Mahesh Bhatt (@MaheshNBhatt) August 17, 2017
بھارتی فلم ساز کے ٹوئٹ پر ہمایوں سعید نے جواب دیتے ہوئے اُن کا شکریہ ادا کیا اور کہا کہ ’’آپ بہت اچھے آدمی ہیں اور ہمیں آپ پر فخر ہے، اللہ آپ کو امان میں رکھے‘‘۔
Proud of u sir ….You are Great man…god bless u …:)
— Humayun Saeed (@iamhumayunsaeed) August 17, 2017
Thank you bhatt sb…love you..:)
— Humayun Saeed (@iamhumayunsaeed) August 17, 2017
واضح رہے کہ اے آر وائی فلمز اور سکس سگما پلس کی یہ مشترکہ کاوش ندیم بیگ کی ہدایت کاری میں بنائی جارہی ہے جبکہ اس کے پروڈیوسر اے آر وائی ڈیجیٹل نیٹ ورک کے سربراہ سلمان اقبال ہیں۔
اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔
