اوکاڑہ : پنجاب کے نواحی گاؤں میں ناخلف بیٹے نے سفاکیت کا مظاہرہ کرتے ہوئے سگے باپ کو موت کے گھاٹ اتار دیا۔
صوبہ پنجاب کے ضلع اوکاڑہ کے نواحی گاؤں میں ظلم و بربریت کی داستان رقم ہوئی، جس نے باپ بیٹے کے مقدس رشتے کو بھی بدنام کردیا۔
رپورٹ کے مطابق اوکاڑہ میں سفاک بیٹے نے بوڑھے باپ کو کلہاڑی کے پے در پے وار سے قتل کردیا ہے۔
- Advertisement -
پولیس کا کہنا ہے کہ بیٹا سگے باپ کو موت کی نیند سلا کر جائے وقوعہ سے فرار ہوگیا، مقتول کی شناخت 70 سالہ صابر علی کے نام سے ہوئی ہے۔
پنجاب میں سفاکیت و درندگی کے ایسے واقعات ماضی میں بھی رونما ہوتے رہے ہیں جس میں بیٹے نے طیش میں آکر کبھی ماں تو کبھی باپ کو قتل کیا ہوا۔
کچھ ماہ قبل پنجاب کے ضلع سرگودھا میں بیٹے نے جائیداد کے تنازع پر دوست کے ساتھ مل کر باپ کو قتل کیا تھا۔