لاہور: بین الاقوامی شہرتِ یافتہ نامور پاکستانی گلوکار راحت فتح علی خان سال 2019 میں دنیا بھر میں پرفارم کریں گے انہوں نے شیڈول کا اعلان کردیا۔
راحت فتح علی خان نے دنیا کے دورے کا اعلان کرتے ہوئے شیڈول بھی سماجی رابطے کی ویب سائٹ پر شیئر کیا جس کے مطابق وہ برطانیہ، امریکا، کینیڈا، یورپ اور آسٹریلیا سمیت 6 براعظموں میں پرفارم کریں گے۔
قوالیاں اور عارفانہ کلام پیش کرنے والے گلوکار نے اعلان کیا کہ مداح اس دورے کے دوران ہر پروگرام میں بالی ووڈ کے مشہور گانے، قوالیاں اور ان پلگ ورژن کا لطف اٹھاسکیں گے۔
مزید پڑھیں: آکسفورڈ یونیورسٹی کا راحت فتح علی خان کیلئے لائف ٹائم اچیومنٹ ایوارڈ
یہ بھی پڑھیں: آکسفورڈ یونیورسٹی کا اعزاز: ریہر سل روم راحت فتح علی خان کے نام سے منسوب
راحت فتح علی خان کے شیڈول کے مطابق اُن کا پہلا میوزیکل کنسرٹ 15 فروری کو ابو ظہبی میں ہوگا جبکہ وہ لندن، برمنگھم اور لیڈز میں بھی پرفارم کریں گے۔
نامور پاکستانی گلوکار نے اپنا شیڈول ویڈیو کی صورت میں شیئر کیا جس کے بیک گراؤنڈ میں اُن کی آواز میں مشہور گانا ’تیرے بن نیئں لگدا دل میرا ڈھولنا‘ چل رہا ہے۔
یاد رہے کہ استاد نصرت فتح علی خان کے بھتیجے اور شاگرد راحت فتح علی خان نے اپنے چچا کے انداز کو اپناتے ہوئے اُن کی قوالیاں پڑھیں اور دنیا بھر میں اپنی صلاحیتوں کا لوہا منوایا۔
VERY EXCITED TO ANNOUNCE – #WorldTour2019
Me, Myself & I – #Unplugged – #Bollywood – #Qawalis#UAE #Oman #Singapore #Bahrain #Europe #SouthAfrica #USA #Canada #Australia #NewZealand #UK@PMEWorld pic.twitter.com/fEMgnsUiEB
— Rahat Fateh Ali Khan (@RFAKWorld) January 27, 2019
بعد ازاں انہیں بالی ووڈ فلموں میں گانے گانے کا بھی موقع ملا جس کا انہوں نے بھرپور فائدہ اٹھایا یہی وجہ ہے کہ بھارت کی تقریباً ہر دوسری بڑی فلم مٰں اُن کی آواز میں گانا شامل ہوتا ہے۔
VERY EXCITED TO ANNOUNCE – #WorldTour2019
Me, Myself & I – #Unplugged – #Bollywood – #Qawalis#UAE #Oman #Singapore #Bahrain #Europe #SouthAfrica #USA #Canada #Australia #NewZealand #UK@PMEWorld pic.twitter.com/fEMgnsUiEB
— Rahat Fateh Ali Khan (@RFAKWorld) January 27, 2019
