بالی ووڈ اداکار راجکمار راؤ بالی ووڈ کی بلاک بسٹر فلم استری 2 کی کامیابی کے بعد اپنے معاوضے میں بت تحاشہ اضافہ کردیا۔
بھارتی میڈیا کے مطابق پچھلے کچھ وقتوں راجکمار کی تمام فلموں نے باکس آفس پر اچھا بزنس کیا ہے حال ہی میں ریلیز ہونے والی فلم ’استری 2‘ میں مرکزی کردار ادا کرنے والے اداکار راجکمار راؤ نے اپنے معاوضے میں اضافہ کردیا ہے۔
میڈیا رپورٹ کے مطابق استری 2 نے کامیابی کے تمام تر ریکارڈ توڑ دیے، فلم نے تقریباً 874 کروڑ روپے سے زیادہ کا بزنس کیا، اس فلم میں راجکمار راؤ کے ساتھ بالی ووڈ کی بہترین اداکارہ شردھا کپور نے مرکزی کردار ادا کیا۔
’استری 2‘ کے علاوہ راجکمار راؤ کی دیگر فلموں نے بھی باکس آفس پر اچھا بزنس کیا ہے، راجکمار راؤ کی فلم شری کانت، مسٹر اینڈ مسز ماہی اور ‘وکی اور ودیا کا وہ والا ویڈیو’ کو بھی شائقین نے کافی پسند کیا۔
جس کے بعد ’انڈین ایکسپریس‘ کی رپورٹ کے مطابق ’استری 2‘ کی تاریخی کامیابی کے بعد راجکمار راؤ نے اپنی فیس بڑھا دی ہے، اب وہ کسی بھی نئی فلم سائن کرنے کے لیے 5 کروڑ روپے کی خطیر رقم لیں گے۔
دوسری جانب جب اداکار راجکمار راؤ سے معاوضے سے متعلق سوال پوچھا گیا تو انہوں نے جواب میں واضح طور پر کہا کہ میں بے وقوف نہیں ہوں کہ اپنے پروڈیوسر پر بوجھ ڈالوں گا۔
انہوں نے کہا کہ ایک بڑی بلاک بسٹر فلم کا حصہ ہونے پر میں بطور اداکار تبدیل نہیں ہوا، پیسہ میرے لیے زیادہ اہمیت نہیں رکھتا، یہ تو میرے جنون کا حصہ ہے، میں اپنی پوری زندگی کام کرنا چاہتا ہوں، میں چاہتا ہوں ایسے کردار کروں جو مجھے حیران کرے اور میں چیلنجز قبول کروں۔
واضح رہے کہ میڈیا رپورٹ کے مطابق راجکمار نے اس فلم میں کام کے 6 کروڑ روپے وصول کیے جبکہ شردھا کپور کو پانچ کروڑ ملے تھے۔
