ایشیا کے امیر ترین بھارتی بزنس ٹائیکون کے بیٹے کی شادی میں بالی ووڈ کی اسٹار جوڑی رنبیر کپور اور عالیہ بھٹ کی بیٹی راہا کپور نے توجہ حاصل کرلی۔
فوٹو اینڈ ویڈیو شیئرنگ ایپ انسٹاگرام اداکارہ عالیہ بھٹ کی اپنی بیٹی راہا کو گود میں اٹھائے ایک ویڈیو خوب وائرل ہو رہی ہے، جس میں دیکھا جاسکتا ہے کہ عالیہ اور راہا آننت امبانی سے ملاقات کر رہے تھے۔
View this post on Instagram
وائرل ہونے والی ویڈیو میں دیکھا جاسکتا ہے کہ عالیہ بھٹ راہا کو گود میں اٹھائے ہال میں داخل ہو رہی ہیں، اس کے بعد آننت امبانی نے راہا کے گال کو ہاتھ لگاتے ہوئے پیار کیا اور مسکرانے لگے۔
جبکہ ایک اور ویڈیو میں راہا کپور کو اپنے والد رنبیر کپور کے ساتھ دیکھا جاسکتا ہے، جسے ہی وہ کسی سے ملاقات کرتے ہیں تو قریب میں موجود ابھیشیک بچن راہا کو پیار کرتے ہیں۔
View this post on Instagram
واضح رہے کہ اننت اور رادھیکا کی شادی سے پہلے کی تقریبات کا آغاز یکم مارچ کو ہوا ، تین روزہ شاندار تقریبات میں عالمی طور پر بااثر کئی شخصیات نے بھی شرکت کی۔
پری ویڈینگ پارٹی میں فیس بک کے بانی مارک زکر برگ، ایونکا ٹرمپ، ہالی وڈ گلوکارہ ریحانہ سمیت بھارتی فنکاروں اور کرکٹرز نے بڑی تعداد میں شرکت کی ہے۔
خیال رہے کہ 6 نومبر کو بالی وڈ کی مایا ناز جوڑی عالیہ بھٹ اور رنبیر کپور کے گھر بیٹی کی پیدائش ہوئی تھی، عالیہ اور رنبیر اپریل 2022 میں شادی کے بندھن میں بندھے تھے۔
رنبیرکپور اور عالیہ بھٹ نے اپنی بیٹی کو میڈیا سے دور رکھنے کا فیصلہ کیا تھا تاہم کرسمس کے موقع پر اپنی بیٹی کو میڈیا کے سامنے لے کر آئے۔