The news is by your side.

Advertisement

را اور این ڈی ایس کی پاکستان مخالف سازشوں کا مقابلہ کرنا ہوگا، رحمان ملک

بلوچستان میں دہشت گردی کے پیچھے ان دونوں کا گٹھ جوڑ ہے، دہشت گرد حمال خان کا نام مِسنگ پرسنز لسٹ میں تھا

اسلام آباد : سابق وزیر داخلہ اور پاکستان پیپلز پارٹی کے رہنما سینیٹر رحمن ملک نے کہا ہے کہ بلوچستان میں دہشت گردی کے پیچھے بھارتی را اور افغانی این ڈی ایس کا گٹھ جوڑ ہے۔

حمال خان جس کا نام مِسنگ پرسنز لسٹ میں تھا گوادر ہوٹل حملے میں دہشت گرد نکلا، را اور این ڈی ایس کے پاکستان مخالف گٹھ جوڑ اور سازشوں کا مقابلہ کرنا ہوگا۔

ٹوئٹر پر اپنے پیغام میں سینیٹر رحمان ملک نے پی سی ہوٹل گوادر پر حملوں پر سخت ردعمل کا اظہار کرتے ہوئے کہا کہ بھارتی ایجنسی را ہمیشہ بی ایل اے کا ماسٹر مائنڈ رہی ہے۔

وزیراعظم مودی پہلے ہی بلوچستان میں دہشت گردوں کی معاونت کا سرعام اقرار کر چکا ہے۔ انہوں نے کہاکہ سری لنکا دھماکوں میں ملوث دہشت گردوں نے بھی تربیت بھارت سے حاصل کی تھی۔ ی

ہ اب واضح ہوچکا ہے کہ کیسے بھارت ہمسایہ ممالک میں امن خراب کرنے میں ملوث ہے۔ انہوں نے کہا کہ میں کئی بار کہہ چکا ہوں کہ زیادہ تر مِسنگ پرسنز لسٹ میں جعلی نام ہیں تاکہ پاکستان کو بدنام کیا جائے۔

انہوں نے مزید کہا کہ ادھر مِسنگ لسٹ میں نام تھا ادھر حمال خان را سے دہشت گردی کی تربیت لے رہا تھا۔

Comments

comments

یہ بھی پڑھیں