برطانیہ کے وزیراعظم رشی سوناک کی ساس سدھا مورتی کو بھارت میں رکن پارلیمنٹ نامزد کردیا گیا۔
بین الاقوامی خبر رساں ادارے کی رپورٹ کے مطابق بھارت کے ایوانِ بالا کے ارکان کی اکثریت منتخب ہوکر پارلیمنٹ آتی ہے، مگر 12 ارکان کو صدر کی جانب سے 6 سال کی مدت کے لئے نامزد کیا جاتا ہے۔
غیر ملکی میڈیا کا اس حوالے سے کہنا ہے کہ صدر کی جانب سے 6 سال کی مدت کے لئے نامزد کئے جانے والے ارکان کو عوامی زندگی میں اعلیٰ کامیابیوں کی وجہ سے نامزد کیا جاتا ہے۔
بھارتی وزیراعظم نریندر مودی کا اس حوالے سے کہنا ہے کہ برطانوی وزیر اعظم کی ساس سدھا مورتی کا سماجی کام، انسان دوستی اور تعلیم میں تعاون بہت زیادہ اور متاثر کن رہا ہے۔سدھا مورتی کے داماد 43 سالہ رشی سوناک پہلے غیر برطانوی بھارتی نژاد وزیراعظم ہیں۔
غیرملکی میڈیا کے مطابق گزشتہ سال بھارتی حکومت نے سدھا مورتی کو سماجی کاموں کی وجہ سے انہیں بھارت کا تیسرا اعلیٰ ترین ایوارڈ بھی دیا تھا۔
اسکول پرنسپل کا خاتون ٹیچر پر بدترین تشدد، ویڈیو وائرل
یاد رہے کہ 2009ء میں سدھا مورتی کی بیٹی اکشتا کی شادی رشی سونک سے ہوئی تھی جو 2022ء سے برطانیہ کے وزیراعظم ہیں۔
