کراچی : سعودی عرب کا 12 رکنی اعلیٰ سطحی وفد جناح انٹرنیشنل ایئرپورٹ کو روڈ ٹو مکہ پراجیکٹ میں شامل کرنے کے لیے جائزہ لینے کراچی پہنچ گیا۔
تفصیلات کے مطابق جناح انٹرنیشنل ایئرپورٹ پر روڈ ٹو مکہ پراجیکٹ شروع کرنے سے متعلق پیش رفت سامنے آئی ، سعودی عرب کا12رکنی اعلیٰ سطح کا وفد ایئرپورٹ پہنچ گیا۔
سعودی وفد روڈ ٹو مکہ پراجیکٹ کے تحت جناح ایئرپورٹ کو شامل کرنے کا جائزہ لے گا جبکہ حج کے دوران پاکستانی حجاج کی کراچی ایرپورٹ پر امیگریشن کی سہولت کا جائزہ لیاجائے گا۔
سعودی حکام روڈ ٹو مکہ پراجیکٹ کے تحت حجاج کی امیگریشن کے لیے سروے کریں گے ، کراچی ایئرپورٹ پر مختص ایریا سمیت دیگر اقدامات کے حوالے سے سروے بھی کیا جائے گا۔
سی اے اے، ایف آئی اے امیگریشن، کسٹمز، اے ایس، ایف اور اے این ایف حکام سعودی وفد کو بریفنگ دیں گے، جس کے بعد سعودی حکام کی رپورٹ پر رواں سال کراچی ایئرپورٹ کوروڈٹومکہ پراجیکٹ میں شامل کیا جائے۔
خیال رہے اسلام آباد ائیرپورٹ پر روڈ ٹو مکہ منصوبے پر پہلے عمل درآمد جاری ہے۔
