صادق آباد: پاکستان کے صوبہ پنجاب کے جنوبی ضلع رحیم یار خان کی تحصیل صادق آباد میں تاوان نہ دینے پر ڈاکوؤں نے ٹیکسی ڈرائیور کو قتل کردیا۔
پولیس کے مطابق راولپنڈی کے رہائشی ٹیکسی ڈرائیور کو چند روز قبل ڈاکوؤں نے ہنی ٹریپ کے ذریعے اغوا کیا تھا، ڈاکوؤں نے مقتول کو اغوا کرنے کے بعد بہن سے 2 کروڑ تاوان مانگا تھا۔
پولیس نے بتایا تاوان نہ ملنے پر ڈاکوؤں نے ٹیکسی ڈرائیور کو قتل کردیا، ڈاکوؤں اور مقتول کی بہن کی آڈیو گفتگو اے آر وائی نیوز نے حاصل کرلی ہے۔
