رواں برس امریکا اور ویسٹ انڈیز میں شیڈول ٹی 20 ورلڈ کپ 2024 کے لیے بھارتی ٹیم کے کپتان کا نام سامنے آگیا۔
بھارتی میڈیا رپورٹس کے مطابق رواں برس ٹی 20 ورلڈ کپ میں روہت شرما ٹیم کی قیادت کریں گے جبکہ ہاردک پانڈیا ٹیم کے نائب کپتان ہوں گے۔
بی سی سی آئی کے صدر جے شاہ نے کہا کہ امید کرتا ہوں کہ بھارتی ٹیم روہت شرما کی قیادت میں بارباڈوس میں منعقد ہونے والا ٹی 20 ورلڈ کپ جیتے گی۔
انہوں نے کہا کہ روہت شرام ماضی میں بھی ٹی 20 میں بھارتی ٹیم کی قیادت کرچکے ہیں اور اب وہ ایک سال بعد افغانستان سیریز کے لیے واپس آچکے ہیں۔
واضح رہے کہ روہت شرما نے بھارت کی جانب سے 148 ٹی ٹوئنٹی میچز کھیلے ہیں اور 140 کے اسٹرائیک ریٹ کے ساتھ 3853 رنز بنائے ہیں، اس میں 4 سنچریاں بھی شامل ہیں۔
واضح رہے کہ روہت شرما نے 2022 کے ٹی ٹوئنٹی ورلڈ کپ کے بعد سے بھارت کے لیے کوئی ٹی ٹوئنٹی میچ نہیں کھیلا تھا، حال ہی میں افغانستان سیریز کیلئے روہت کی بطور کپتان واپسی ہوئی تھی۔
روہت شرما کی غیر موجودگی میں بھارتی ٹیم کی قیادت آل راؤنڈر ہاردک پانڈیا کو سونپی گئی تھی۔
