لاہور: صوبہ پنجاب میں عام انتخابات کے لیے الیکشن کمیشن نے ریٹرننگ افسران (آر او)، ڈسٹرکٹ ریٹرننگ افسران (ڈی آر اوز) اور اسسٹنٹ ریٹرننگ افسران (اے آر اوز) کی تعیناتیاں کردی ہیں۔
تفصیلات کے مطابق صوبہ پنجاب میں عام انتخابات کے لیے الیکشن کمیشن نے ریٹرننگ افسران (آر او) اور ڈسٹرکٹ ریٹرننگ افسران (ڈی آر اوز) کی تقرری کردی ہے جس کا نوٹیفکیشن جاری کردیا گیا ہے۔
الیکشن کمیشن کا کہنا ہے کہ ڈی آر اوز اور آر اوز کو بیورو کریسی سے لیا گیا ہے، پنجاب میں انتخابات کے لیے 36 ڈی آر اوز اور 297 آر اوز کی تعیناتی کی گئی ہے۔
- Advertisement -
علاوہ ازیں پنجاب میں انتخابات کے لیے 594 اسسٹنٹ ریٹرننگ افسر (اے آر اوز) کی بھی تعیناتی کردی گئی ہے۔
الیکشن کمیشن کا کہنا ہے کہ خواتین اور اقلیتوں کی نشستوں کے لیے سعید گل کی بطور آر او تعیناتی کی گئی ہے۔
