امریکا ایران پر حملے کی جرأت نہیں کرے گا، حسن روحانی iran Rouhani
The news is by your side.

Advertisement

امریکا، ایران پر حملے کی جرأت نہیں کرے گا، حسن روحانی

تہران: ایرانی صدر حسن روحانی نے کہا ہے کہ امریکا، ایران پر حملہ کرنے کی ہمت نہیں رکھتا ہے، کیونکہ اس کو ایران کی فوجی قوت اور کسی بھی ممکنہ تنازعے کی قیمت کا اندازہ ہے۔

حسن روحانی نے سرکاری ٹی وی سے خطاب کرتے ہوئے کہا کہ امریکا ہم پر حملہ کیوں نہیں کرتا اس لیے کہ اسے ہماری طاقت کا علم ہے، اور اسے کسی بھی ممکنہ حملے کے بعد پیدا ہونے والی صورتحال کا بھی بخوبی اندازہ ہے۔

ایرانی صدر کا کہنا تھا کہ ان کا ملک اپنی فوجی قوت کو صرف اپنے دفاع کے لیے تقویت دے رہا ہے تاکہ کسی غیر معمولی صورتحال میں ایرانی سرحدوں کا دفاع کرسکیں۔

حسن روحانی نے ملک کے علاقائی حریفوں اور امریکا کی طرف اشارہ کرتے ہوئے کہا کہ ہمیں قوت مزاحمت کا مظاہرہ کرنا ہوگا کیونکہ کسی ملک کے چند جملوں سے لڑائی شروع ہوسکتی ہے اور چند فوجی اقدامات تصادم کی صورتحال اختیار کرسکتے ہیں لیکن یہ قدم اٹھانا مہنگا ہوگا۔

انہوں نے کہا کہ امریکا نے ہم پر اور ترکی پر اقتصادی پابندیاں کیوں عائد کیں؟ اس نے چین کو اقتصادی جنگ میں کیوں دھکیلا؟ کیونکہ اسے لگتا ہے کہ ان سب ممالک کا کوئی نہ کوئی کمزور پہلو ہے جنہیں ہمیں مضبوط کرنا ہوگا۔

ایرانی صدر حسن روحانی نے تہران میں ہونے والی ایک دفاعی نمائش کا بھی دورہ کیا، جہاں پر ایران نے اپنے پہلے مقامی فائٹر جیٹ کو پیش کیا۔

ایرانی سرکاری ٹی وی کے مطابق کوسار طیارہ ایڈوانس ٹیکنالوجی اور ملٹی پرپز ریڈار سے لیس ہے جو کہ مکمل طور پر ایران میں تعمیر کیا گیا ہے۔

Comments

comments

یہ بھی پڑھیں