بیجینگ: چینی میڈیا نے دعویٰ کیا ہے کہ پاکستان نے روس کی درخواست منظور کرتے ہوئے اُسے گوادر پورٹ استعمال کرنے کی اجازت دے دی، روس نے سی پیک میں شمولیت کی خواہش کا اظہار کرتے ہوئے نومبر میں باضابطہ درخواست بھی دی تھی۔
چینی میڈیا کے مطابق پاکستان نے روس کے گوادر پورٹ استعمال کرنے کی درخواست منظور کرلی ہے، میڈیا رپورٹ کے مطابق اسلام آبادمیں روسی سفارتخانےنے خبرکی تردید نہیں کی۔ روس گوادربندرگاہ کے راستےاپنی اشیا برآمدکرنا چاہتا ہے جبکہ روس یوریشین اکنامک یونین کوسی پیک میں بھی ضم کرنے کا خواہش مند ہے۔
قبل ازیں نومبر کے آخر میں خبریں سامنے آئی تھیں کہ روس نے گوادر کی بندرگاہ سے عالمی تجارت کرنے کی خواہش کا اظہار کیا ہے جس کے لیے روسی حکام نے پاکستانی حکومت کو گرم پانی تک رسائی کی باقاعدہ درخواست دی ہے۔
پڑھیں: ’’ روس نے گوادر پورٹ استعمال کرنے کی اجازت مانگ لی ‘‘
یہ بھی خیال رہے کہ سی پیک منصوبے میں سب سے بڑا سرمایہ کار خود چین ہے اس لیے روسی درخواست پر سب سے پہلے چین کو اعتماد میں لیا جائے گا اور اس کی اجازت کے بغیر روس منصوبے میں شمولیت اختیار نہیں کرسکتا۔
