روس:‌مسافر بردار طیارہ حادثے کا شکار، 18 افراد زخمی russian-air-crash
The news is by your side.

Advertisement

روس:‌مسافر بردار طیارہ حادثے کا شکار، 18 افراد زخمی

ماسکو : روسی شہر سوچی کے ہوائی اڈے پر مسافر بردار طیارہ بوئنگ 800-737 میں آتشزدگی کے باعث تین بچوں سمیت 18 افراد زخمی ہوگئے۔

تفصیلات کے مطابق روس کے شہر سوچی میں یوٹیئر نامی فضائی کمپنی کا مسافر بردار طیارہ یو ٹی 579 رن وے پر لینڈنگ کرنے کے بعد خوفناک آتشزدگی کا شکار ہوگیا جس کے نتیجے میں 18 افراد زخمی ہوگئے۔

غیر ملکی خبر رساں ادارے کے مطابق حادثے کا شکار ہونے والے طیارے بوئنگ 800-737 میں 164 مسافروں سمیت 170 افراد سوار تھے، جائے حادثہ سے 18 زخمیوں کو اسپتال منتقل کر دیا گیا ہے۔

غیر ملکی خبر رساں ادارے کا کہنا ہے کہ متاثرہ طیارے میں لینڈنگ کی کوشش کے دوران ایئر پورٹ کے گرد لگی کوئی جالیوں سے ٹکرانے کے باعث آگ بھڑکی تھی، جبکہ طیارہ حادثے کے باعث رن وے اتر کر دریا میں جا گرا۔

یو ٹیئر ایئر لائن کے ترجمان کا کہنا ہے کہ حادثے کے نتیجے میں طیارے کا ویل اسٹینڈ اور بائیں پر کو نقصان پہنچا ہے اور آتشزدگی بھی بائیں انجن میں ہوئی تھی۔

روسی میڈیا کہنا ہے کہ تفتیش کاروں جہاز حادثے کے بعد مسافروں کو غیر مناسب سروس فراہم کرنے کے جرم میں کرمنل انوسٹی گیشن کا آغاز کردیا ہے۔

روسی وزارت صحت کے جانب سے جاری بیان میں کہا گیا ہے کہ طیارہ حادثے میں تین بچوں سمیت 18 افراد زخمی ہوئے ہیں، جن میں 6 افراد کاربن مونو آکسائیڈ گیس سے متاثر ہوئے تھے جبکہ 4 افراد آتشزدگی کے باعث جھلسے تھے۔

روسی نشریاتی اداروں کا کہنا ہے کہ طیارہ حادثے کے نتیجے میں کسی بھی مسافر کے ہلاک ہونے کی اطلاع موصول نہیں ہوئی تاہم سوچی ہوائی اڈے کا ایک ملازم حادثے کے شکار افراد کو ریسکیو کرنے کے دوران دل کا دورہ پڑنے سے ہلاک ہوا ہے۔


مزید پڑھیں : سابیریا میں روسی ہیلی کاپٹر حادثے کا شکار، 18 افراد ہلاک


یاد رہے کہ رواں ماہ کے اوائل میں روسی شہر سائبیریا کے جنوب مغرب میں واقع گاؤں آئیگارکا میں روس کا مسافر بردار ہیلی کاپٹر حادثے کے باعث گر تباہ ہوگیا تھا، جس کے نتیجے میں 18 افراد ہلاک ہوئے تھے۔

Comments

comments

یہ بھی پڑھیں