قومی ٹیم کے نوجوان بیٹر صائم ایوب کے ساتھ خاتون مداح کے ساتھ ویڈیو سوشل میڈیا پر وائرل ہوگئی۔
پاکستان ٹیم کے نوجوان بیٹر صائم ایوب ٹخنے کی انجری کی وجہ سے ان دنوں لندن میں موجود ہیں جہاں ان کی گزشتہ دنوں اداکارہ ہانیہ عامر سے ملاقات ہوئی تھی۔
مداحوں کی جانب سے ہانیہ عامر اور صائم ایوب کی ویڈیو کو پسند کیا گیا تھا۔
تاہم ایک ویڈیو سوشل میڈیا پر وائرل ہورہی ہے جس میں خاتون مداح کو ان کے ساتھ گفتگو کرتے دیکھا گیا، خاتون تصویر بنوانے کے لیے صائم کو بلاتی ہیں اور اپنے دوستوں کو ہدایت کرتی ہیں کہ ان کے ساتھ مکمل تصویر کھینچیں۔
خاتون کے یہ کہنے پر صائم ایوب ان سے تھوڑا دور ہوگئے اور جانے لگے۔
مداح نے کہا کہ اگر آپ تصویر بنوانے کے لیے دو منٹ رک جائیں گے تو آپ کا کچھ گھس نہیں جائے گا، پھر صائم رکے تو وہ کہنے لگیں اب نہیں بنوانی آپ جائیں۔‘
قومی کرکٹر نے انہیں کچھ نہیں کہا اور چپ چاپ وہاں سے چلے گئے۔
صائم ایوب کے ساتھ خاتون مداح کے رویے پر سوشل میڈیا صارفین نے انہیں آڑے ہاتھوں لیا۔
ایک صارف نے لکھا کہ ’صائم کے بجائے اس وقت شعیب اختر کو ہونا چاہیے تھا۔‘ دوسرے صارف نے کہا کہ صائم اچھا لڑکا ہے اگر کوئی اور ہوتا تو انہیں لگ پتا جاتا۔‘
تیسرے صارف نے کہا کہ ’صائم بہت معصوم ہے مجھے بہت برا لگ رہا ہے اس خاتون کو کچھ آداب سیکھنے کی ضرورت ہے۔‘
