عالمی شہرت یافتہ اداکارہ سجل علی نے ساتھی اداکارہ درفشاں سلیم کی خواہش پوری کردی۔
اے آر وائی ڈیجیٹل کے ڈرامہ سیریل ’کچھ ان کہی‘ میں اداکاری کے جوہر دکھانے والی اداکارہ سجل علی نے انسٹاگرام پر تصویر شیئر کی جسے مداحوں کی جانب سے خوب سراہا جارہا ہے۔
اداکارہ نے اپنی ایک انسٹاگرام پوسٹ کے ذریعے اداکارہ درِ فشاں کی خواہش پوری کی ہے۔
سجل علی نے ہاتھ میں کولڈ کافی پکڑے ہوئے اپنی ایک خوبصورت تصویر انسٹاگرام پر اپلوڈ کرتے ہوئے کیپشن میں لکھا ہے کہ ’یہ تصویر درِ فشاں کی خواہش پر پوسٹ کر رہی ہوں۔‘
اس پوسٹ پر اداکارہ درِ فشاں سمیت شوبز انڈسٹری کی دیگر اداکاراؤں نے بھی سجل علی سے خوب محبت کا اظہار کیا ہے۔
واضح رہے کہ اس سے قبل درفشاں سلیم نے اے آر وائی ڈیجیٹل کے پروگرام ’شان سحور‘ میں سجل علی کو بہترین اداکارہ قرار دیا تھا ساتھ ہی ان کے میک اپ کی تعریف کی تھی۔