ممبئی: بالی وڈ کے دبنگ خان سب سے زیادہ ٹیکس دینے والے اداکار بن گئے۔
تفصیلات کے مطابق بالی ووڈ اداکار سلمان خان نے بالی وڈ نگری میں تو نام کمایا ہی ہے اب سلو بھیا نے ایمانداری میں بھی اپنا نام درج کروالیا ہے۔ دبنگ خان سب سے زیادہ ٹیکس دینے والے اداکار بن گئے ہیں۔
بھارتی میڈیا رپورٹ کے مطابق بالی ووڈ اداکار سلمان خان نے اکشے کمار اور ہریتھک روشن کو پیچھے چھوڑتے ہوئے 2016 اور 2017 کے 15 مارچ تک سب سے زیادہ ٹیکس ادا کیا، اداکار نے گزشتہ اور رواں سال 15 مارچ تک میں 44 کروڑ سے زائد ٹیکس ادا کیا ہے۔ گزشتہ برس سلمان خان نے 32 کروڑ سے زائد ٹیکس ادا کیا تھا اس حساب سے اداکار کی کمائی میں گزشتہ برس کی مناسبت سے 39 فیصد اضافہ ہوا ہے۔
اکشے کمار اور ریتھک روشن بالترتیب 29 اور 25 کروڑ کے ساتھ دوسرے اور تیسرے نمبر پر ہیں، اداکاراؤں میں دپیکا پڈوکون، عالیہ بھٹ، کرینہ کپور ٹیکس ادا کئے ہیں۔ امیتابھ بچن، شاہ رخ خان، اور ایشوریا رائے کی کمائی پاناما پیپرز میں نام ہونے کی وجہ سے ظاہر نہیں کی گئی۔
کامیڈین اداکار کپل شرما نے انکم ٹیکس ڈیپارٹمنٹ کو حیران کردیا جہاں ان کی کمائی میں رواں برس 206 فیصد اضافہ دیکھا گیا ہے۔ واضح رہے کہ گزشتہ سال ریتھک روشن نے گزشتہ سال سب سے زیادہ 60 کروڑ روپے ٹیکس دیا تھا۔
واضح رہے کہ سلمان خان ان دنوں ایک تھا ٹائیگر کے سیکوئل ٹائیگرزندہ ہے کی شوٹنگ میں مصروف ہیں، جو 22 دسمبر 2017ء کو ریلیز کردی جائے گی۔
BACK TOGETHER , IN TIGER ZINDA HAI . pic.twitter.com/H8D0Gv8cTT
— Salman Khan (@BeingSalmanKhan) March 22, 2017
مزید پڑھیں: کیاسدیپ’ٹائیگر زندہ ہے‘میں ولن کا کردارنبھائیں گے؟
بالی ووڈ فلم’ٹائیگر زندہ ہے‘ان دنوں خبروں کی زینت بنی ہوئی ہےاوراس بار یہ سلمان اور کترینہ کی جوڑی کو لیکر نہیں بلکہ ولن کےکردار کی وجہ سےخبروں کی سرخیوں میں ہے۔
